ԴՊՐԵՎԱՆՔԻ ՍԱՐԿԱՒԱԳՆԵՐՆ ՈՒ
Ս. ՍՏԵՓԱՆՈՍ ՆԱԽԱՍԱՐԿԱՒԱԳԻՆ ՏՕՆԸ
Մեծի Տանն Կիլիկիոյ կաթողիկոսութեան դպրեվանքը այս տարի եւս հանդիսաւոր կերպով պիտի նշէ Ս. Ստեփանոս նախավկայ սարկաւագին տօնը, կիրակի, 22 դեկտեմբեր 2019-ին, Անթիլիասի Ս. Գրիգոր Լուսաւորիչ մայր տաճարին մէջ, նախագահութեամբ`
ՆՍՕՏՏ ԱՐԱՄ Ա. ԿԱԹՈՂԻԿՈՍԻՆ
Ս. եւ անմահ պատարագ պիտի մատուցէ եւ յաւուր պատշաճի քարոզէ`
ԳԵՐՇ. Տ. ՇԱՀԱՆ ԱՐՔ. ՍԱՐԳԻՍԵԱՆ
Պատարագի աւարտին գեղարուեստական յայտագիր պիտի ներկայացուի դպրեվանքի սարկաւագներուն կողմէ` կաթողիկոսարանի վեհարանին մէջ: Սիրով կը հրաւիրենք ժողովուրդի բոլոր զաւակները` տօնակից դառնալու դպրեվանքի սարկաւագաց դասուն:
Դպրեվանքը կը շնորհաւորէ հայ եկեղեցւոյ սպասաւորութեան նուիրուած բոլոր սարկաւագներուն տօնը:
————————————-
ԵՐԵՔՇԱԲԹԻ ԳԻՇԵՐՈՒԱՆ ՍՈՒՐԲ ՊԱՏԱՐԱԳ
Տօնական օրերուն առիթով խաչաձեւումներէ խուսափելու համար, երեքշաբթի գիշերներու Ս. պատարագի մատուցումը պիտի դադրեցնենք 24 եւ 31 դեկտեմբեր 2019-ին եւ 7 յունուար 2020-ին:
Ս. պատարագի մատուցումը պիտի վերսկսինք երեքշաբթի 14 յունուար 2020-ին, երեկոյեան ժամը 7:00-8:00, Պուրճ Համուտի Սրբոց Վարդանանց եկեղեցւոյ մէջ:
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
————————————-
ՏՕՆ Ս. ՍՏԵՓԱՆՈՍ ՆԱԽԱՍԱՐԿԱՒԱԳԻ
ՍՈՒՐԲ ՊԱՏԱՐԱԳ, ՍԱՐԿԱՒԱԳՆԵՐՈՒ ՏՕՆ,
ՍԱՐԿԱՒԱԳՆԵՐՈՒ ՁԵՌՆԱԴՐՈՒԹԻՒՆ
ԵՒ Ս. ՍՏԵՓԱՆՈՍԻ ՄԱՍՈՒՆՔՈՎ ՋՐՕՐՀՆԷՔ
Չորեքշաբթի, 25 դեկտեմբեր 2019, տօնն է Ս. Ստեփանոս նախասարկաւագին, ինչպէս նաեւ հայ եկեղեցւոյ սարկաւագներուն:
Այս օրհնեալ առիթով, ՆՍՕՏՏ Արամ Ա. վեհափառ հայրապետին տնօրինումով, առաջին անգամ ըլլալով Անթիլիասի կաթողիկոսարանէն թեմ պիտի բերուի Ս. Ստեփանոսի մասունքը` մեր հաւատացեալներուն հոգեւոր մխիթարութեան համար, սուրբ պատարագի ընթացքին, Ռըմէյլի Ս. Յարութիւն եկեղեցւոյ մէջ, որուն պիտի մասնակցին թեմիս քահանայից դասը, սարկաւագներն ու կիսասարկաւագները:
Եկեղեցական արարողութեանց պիտի հանդիսապետէ, ձեռնադրութիւնը եւ ջրօրհնէքը կատարէ ու իր պատգամը ուղղէ`
ԳԵՐՇ. Տ. ՆԱՐԵԿ ԱՐՔԵՊԻՍԿՈՊՈՍ
Առաջնորդ Լիբանանի հայոց
Պիտի պատարագէ`
ԱՐԺ. Տ. ՍԱՐԳԻՍ Ա. ՔՀՆՅ. ՍԱՐԳԻՍԵԱՆ
Խարտաւիլակութիւնը պիտի կատարէ`
ԱՐԺ. Տ. ՂԵՒՈՆԴ ՔՀՆՅ. ԼՈՇԽԱՃԵԱՆ
Սարկաւագ պիտի ձեռնադրուին թեմիս եկեղեցիներուն մէջ ծառայող տասնհինգ կիսասարկաւագներ` Արա Օհանեան, Զաւէն Տաւուտեան, Հրակ Քալաճեան, Յակոբ Սարեան, Յակոբ Քէլէշեան, Յակոբ Քէշիշեան, Յարութիւն Չորպաճեան, Յարութիւն Իզմիրլեան, Շահէ Քէշիշեան, Պօղոս Տօնիկեան, Սարգիս Մալաքեան, Սարգիս Պագալեան, Սեւակ Կիւվլեքճեան, Վարդան Աւետիքեան եւ Ֆիլիփ Ժինեան:
| Սկիզբ ժամերգութեան` | առաւօտեան ժամը 7:30-ին |
| Ս. պատարագ` | առաւօտեան ժամը 9:30-ին |
| Ձեռնադրութիւն` | առաւօտեան ժամը 10:00-ին |
| Պատգամ` | առաւօտեան ժամը 11:00-ին |
| Ջրօրհնէք` | առաւօտեան ժամը 11:30-ին |
Սիրով կը հրաւիրենք մեր հաւատացեալ ժողովուրդը` ստանալու Ս. Ստեփանոսի օրհնութիւնը եւ աղօթակից դառնալու մեր սարկաւագներուն ու կիսասարկաւագներուն:
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
————————————-