ՏԱՐԵԿԱՆ ԿՈՉ
ԶՈՒԱՐԹՆՈՑ ԿԵԴՐՈՆԻ
1 ՄԱՐՏ 2020
«Յատուկ խնամքի կարօտ» մեր քոյրերն ու եղբայրները, թէեւ երբեմն արտաքնապէս տարբեր, սակայն կը զգանք, թէ իրենց ժպիտով եւ սրտակցութեամբ լիովին հարազատ են մեր բոլորին:
Արդարեւ, որքան ճշմարիտ է այն իրողութիւնը, թէ` «Արտաքինով` բոլորս տարբեր ենք, բայց ներքնապէս մեր բոլորին մէջ` սիրոյ կարօտ միեւնոյն սիրտը կը բաբախէ»:
Փետրուար 2019-ին հանրային առողջապահութեան եւ ընկերային աշխատանքի նորութիւններ հրամցնող ֆրանսական հրատարակչատուն մը (https://www©presses©ehesp©fr) հանրութեան ներկայացուցած է «Restaurants extraordinaires» «Արտակարգ ճաշարաններ» գիրքը, ուր կը դրուատէ ճաշարաններու մէջ աշխատող յատուկ կարիքներ ունեցող անհատներու յաջող փորձառութիւնները: Փարիզի մէջ «Զուարթ» (https://www©cafejoyeux©com) ճաշարաններու ընտանիքը մարզելէ ետք, աշխատանք կը հայթայթէ տարբեր կարողութիւններով օժտուած մեր քոյր-եղբայրներուն: Անոնք ծառայութեան միմիայն մէկ եղանակ սորված են եւ ի գործ կը դնեն` «Սրտով սպասարկել»-ը:
2020-ին ՆՍՕՏՏ Արամ Ա. վեհափառ հայրապետը, հետեւելով Վերջին Ընթրիքին ընթացքին Քրիստոսի պատուէրին` «Սիրեցէք զիրար, ինչպէս Ես ձեզ սիրեցի» Յովհ. 13:34, եղբայրական սիրով մեզ կը հրաւիրէ մեր առօրեայ փոխյարաբերութիւններուն մէջ արժանավայել յարգանք, նկատողութիւն, դաստիարակութիւն եւ աշխատանք տրամադրելու մեր յատուկ եւ զանազան տաղանդներով օժտուած հարազատներուն:
«ՄԱՐՏ 1 2020»-ի առիթով, «Զուարթնոց» յատուկ դաստիարակութեան կեդրոնը` հարուստ իր 33 տարիներու փորձառութեամբ, յատկապէս վայելելով մեծ թէ փոքր հայորդիներու սրտակից գործակցութիւնը եւ ներդրումը, կը հրաւիրէ մեր վարժարաններու սաները, ուսուցիչները եւ սիրեցեալ ժողովուրդը ծանօթանալու իր վերանորոգուած կեդրոնին:
Յ.Գ. Կը խնդրուի նկատի ունենալ, թէ այցելութեան համար ժամադրութիւնը անհրաժեշտ է:
Հասցէ.- Պուրճ Համուտ, Նոր Սիս, նախկին Աքսոր Գասարճեան մանկապարտէզի կառոյց, Ս. Սարգիս եկեղեցւոյ կից: Հեռաձայն -01/26 11 15:
Մեր Տիրոջ սէրը բոլորիս եւ Լիբանանին պահապան`
ՌԱՔԵԼ ՔԷՉԷՃԵԱՆ-ՇԻՏԻԱՔ
Ա. պետ Լիբ. Հայ Համայնքի
Ընկերային ծառայողներու միութեան
ՎԱՐԴԻ ՕՀԱՆԵԱՆ-ԳԷՈՐԳԵԱՆ
Տնօրէն «Զուարթնոց» կեդրոնի
Պէյրութ, 25 փետրուար 2020
————————————-
ՎԱՐՁՈՒ ՅԱՐԿԱԲԱԺԻՆ
Ժէլ Էլ Տիպ, 130 քառ. մեթր: Սին Էլ Ֆիլ, 70 քառ. մեթր: Հեռ. Ուաթցափ 76-944642 կամ 71-363164:
————————————-
ԿԸ ՆՈՒԻՐԵՆ
Սարգիս Արմէնեանի մահուան տխուր առիթով, փոխան ծաղկեպսակի, տէր եւ տիկին Սուրէն եւ Սոնիա Սարգիսեաններ նուիրատուութիւններ կը կատարեն հետեւեալ հաստատութիւններէն իւրաքանչիւրին.
– «Թռչնոց Բոյն»
– «Զուարթնոց» կեդրոն
– Ազգային ծերանոց
– Ազունիէի Ազգային բուժարան
– Ճեմարանի «Սաներու ֆոնտ»
– «Ազդակ» օրաթերթ
Յատկացուած գումարով չէքը ստանալ BEMCO ընկերութեան գրասենեակէն (Պէյրութ), հեռ. (01) 440300 Ext. 780, Վանիա Սարգիսեանէն, առաւօտեան ժամը 11:00-էն մինչեւ երեկոյեան ժամը 5:00, բացի շաբաթ օրէն:
————————————-
ԳՐԱՒՈՒԱԾ ՕՐ
ՀԱՄԱԶԳԱՅԻՆԻ ԳԵՂԱՐՈՒԵՍՏԻ
ԴՊՐՈՑՆԵՐՈՒ ԽՆԱՄԱԿԱԼՈՒԹԻՒՆ
ԿՈՄԻՏԱՍԻ ԾՆՆԴԵԱՆ 150-ԱՄԵԱԿԻՆ
ՆՈՒԻՐՈՒԱԾ ՁԵՌՆԱՐԿ
Կիրակի, 8 մարտ 2020-ին, «Յակոբ Տէր Մելքոնեան» թատերասրահին մէջ:
————————————-
ԳՐԱՒՈՒԱԾ ՕՐ
ՀԱՄԱԶԳԱՅԻՆԻ ԳԵՂԱՐՈՒԵՍՏԻ
ԴՊՐՈՑՆԵՐՈՒ
ԽՆԱՄԱԿԱԼՈՒԹԻՒՆ
ԱՊՐԻԼԵԱՆ ՁԵՌՆԱՐԿ
ՈՒՐԲԱԹ, 24 ԱՊՐԻԼ 2020