Ս. ՍԱՐԳԻՍ ԵԿԵՂԵՑՒՈՅ
ԱՆՈՒԱՆԱԿՈՉՈՒԹԻՒՆ
Ս. ՊԱՏԱՐԱԳ ԵՒ ՄԱՏԱՂՕՐՀՆԷՔ
Ս. Սարգիս եկեղեցւոյ թաղական խորհուրդը ուրախութեամբ կը տեղեկացնէ սիրելի հաւատացեալ ժողովուրդին, թէ կիրակի, 24 յունուար 2016-ին, Ս. Սարգիս զօրավարի տօնին առիթով, սուրբ եւ անմահ պատարագ պիտի մատուցուի եւ մատաղի օրհնութիւն պիտի կատարուի:
Պիտի պատարագէ եւ յաւուր պատշաճի քարոզէ`
ԳԵՐՇ. Տ. ՇԱՀԷ ԵՊՍ. ՓԱՆՈՍԵԱՆ
Առաջնորդ Լիբանանի Հայոց Թեմի
| Առաւօտեան ժամերգութիւն` | ժամը 8:00-ին |
| Առաջնորդի ժամանում` | ժամը 9:30-ին |
| Ս. պատարագ` | ժամը 10:00-ին |
| Քարոզ` | ժամը 11:00-ին |
| Մատաղօրհնէք` | ժամը 12:00-ին |
Սիրով կը հրաւիրենք մեր բարեպաշտ հաւատացեալները` մասնակից դառնալու եւ հոգեպէս գօտեպնդուելու օրուան խորհուրդով:
ԹԱՂԱԿԱՆ ԽՈՐՀՈՒՐԴ
Ս. ՍԱՐԳԻՍ ԵԿԵՂԵՑՒՈՅ
—————————————————————————-
Հայ Կաթողիկէ Պատրիարքարան
«Սրբոյ Կուսին Աւետման» Եկեղեցի
Ժեհթաուի
ՀՈԳԵՀԱՆԳՍՏԵԱՆ ՍՈՒՐԲ ՊԱՏԱՐԱԳ
ԵՐՋԱՆԿԱՅԻՇԱՏԱԿ
ՅՈՎՀԱՆՆԷՍ ՊԵՏՐՈՍ ԺԸ.
Կաթողիկոս Պատրիարքին
Կը պատարագէ եւ կը քարոզէ`
ԱՐՀԻ. ԳԷՈՐԳ ԵՊՍ. ԱՍԱՏՈՒՐԵԱՆ
Օգնական Եպիսկոպոս Պատրիարքական Թեմի
Կիրակի, 24 յունուար 2016-ին, առաւօտեան ժամը 10:30-ին, Հայ կաթողիկէ պատրիարքարանի «Սրբոյ Կուսին Աւետման» եկեղեցւոյ մէջ:
—————————————————————————-
Ս. ՍԱՐԳԻՍ ԵԿԵՂԵՑՒՈՅ
ԱՆՈՒԱՆԱԿՈՉՈՒԹԻՒՆ
Այս տարի Ս. Սարգիս զօրավարի տօնը կիրակի, 24 յունուար 2016-ին է: Սուրբին անուանակոչութիւնը եւ եկեղեցւոյ ուխտի տօնախմբութիւնը տեղի պիտի ունենայ վերոնշեալ թուականին:
Մեր կրօնական կանոններուն եւ ազգային աւանդութեանց համաձայն, պիտի պատրաստուի ուխտի մատաղ ճիտապուր` անցեալ տարիներուն պէս:
Առ այդ, այն ուխտաւոր հաւատացեալները, որոնք մատաղի համար ոչխար /արու անարատ/ պիտի նուիրեն կամ անոր փոխարէն նուիրատուութիւն պիտի կատարեն, թող բարեհաճին դիմել եկեղեցւոյս թաղական խորհուրդին գրասենեակը, քարտուղարութեան եւ կամ հեռաձայնել 01-259861 թիւին:
ԾԱՆՕԹ.- Ոչխարները պէտք է բերել առաւելագոյնը, մինչեւ շաբաթ, 23 յունուար 2016-ին, առաւօտեան ժամը 10:00-ին:
ԹԱՂԱԿԱՆ ԽՈՐՀՈՒՐԴ
Ս. ՍԱՐԳԻՍ ԵԿԵՂԵՑՒՈՅ
—————————————————————————-
ՀՈԳԵՀԱՆԳԻՍՏ
Լիբանանահայ գրական շրջանակի երախտաւոր վարչականներէն
ՆԱԹԱԼԻ ՄԿՐՏԻՉ ԹԱՀՈՒԼԱՔԵԱՆԻ
արկածահար մահուան քառասունքին առիթով հոգեհանգստեան պաշտօն պիտի կատարուի կիրակի, 24 յունուար 2016-ին, յաւարտ պատարագի, Ռըմէյլի Ս. Յարութիւն եկեղեցւոյ մէջ:
Հոգեհանգստեան պաշտօնի աւարտին, վարչութիւնը ցաւակցութիւն պիտի ընդունի «Արարատ» մարզական միութեան կեդրոնին մէջ:
ԼԻԲԱՆԱՆԱՀԱՅ ԳՐԱԿԱՆ
ՇՐՋԱՆԱԿԻ ՎԱՐՉՈՒԹԻՒՆ
—————————————————————————-
ՀՈԳԵՀԱՆԳԻՍՏ
ԼԵՒՈՆ ԽԱՆՃԵԱՆի մահուան Ա. տարելիցին առիթով հոգեհանգստեան պաշտօն պիտի կատարուի, կիրակի, 24 յունուար 2016-ին, Նորաշէնի Սրբոց Վարդանանց եկեղեցւոյ մէջ, յաւարտ Ս. պատարագի:
ՅՈՎՀԱՆՆԷՍ ՄԱՆՈՒԿԵԱՆի (ԱԼԱԳԵԱԶ) մահուան Բ. տարելիցին առիթով հոգեհանգստեան պաշտօն պիտի կատարուի կիրակի, 24 յունուար 2016-ին, Անթիլիասի Ս. Գրիգոր Լուսաւորիչ Մայր տաճարին մէջ, յաւարտ Ս. պատարագի:
ՇԱՔԷ ՀԱՔԻՄԵԱՆի մահուան քառասունքին առիթով հոգեհանգստեան պաշտօն պիտի կատարուի կիրակի, 24 յունուար 2016-ին, Նոր Ատանայի Ս. Աստուածածին եկեղեցւոյ մէջ, յաւարտ Ս. պատարագի:
ԱՆԴՐԱՆԻԿ ԹԷՔԷԵԱՆի մահուան քառասունքին առիթով հոգեհանգստեան պաշտօն պիտի կատարուի կիրակի, 24 յունուար 2016-ին, Հայ կաթողիկէ Ս. Փրկիչ եկեղեցւոյ մէջ, առաւօտեան ժամը 10:00-ին:
—————————————————————————-
ՕՐՈՒԱՆ ՃԱՇԸ
ՈՍՊԱՊՈՒՐ
+ ԾԱԼԻԿ
Գին` 15.000 լիբ. ոսկի
Հեռ. 01-240214
www.badguer.com
—————————————————————————-
ԼՕԽ-ի Շրջանային Վարչութեան Առողջապահական Յանձնախումբ
«Արաքսի Պուլղուրճեան» Ընկերաբժշկական Կեդրոնի
Նախազգուշական Բաժանմունք
ԴԱՍԱԽՕՍԱԿԱՆ ՆՈՐ ՇԱՐՔ
Շարքին երրորդ դասախօսութիւնը տեղի պիտի ունենայ չորեքշաբթի, 27 յունուար 2016-ին, առաւօտեան ժամը 10:00-ին, ԼՕԽ-ի «Արաքսի Պուլղուրճեան» ընկերաբժշկական կեդրոնի «Թնճուկեան» սրահին մէջ, 4-րդ յարկ:
Նիւթ`
«ԳԼԽԱՑԱՒԵՐՈՒ ՊԱՏՃԱՌՆԵՐԸ»
Դասախօս`
ՏՈՔԹ. ՊԵՐՃ ՏԱԳԷՍԵԱՆ
(Մանկաբուժ)
—————————————————————————-
Կազմակերպութեամբ`
Ազգային Լեւոն եւ Սոֆիա Յակոբեան Քոլեճի
Խնամակալութեան
«CHEESE & WINE»-Ի ԵՐԵԿՈՅ
Տեղի կ՛ունենայ շաբաթ, 30 յունուար 2016-ին, երեկոյեան ժամը 9:00-էն սկսեալ, Մարաշի հայրենակցական միութեան սրահին մէջ:
—————————————————————————-
ՈԳԵԿՈՉՈՒՄ ՄԱՐԱՇԻ ԱՂԷՏԻՆ
Սիրելի՛ հայրենակից,
Լիբանանի Մարաշի հայրենակցական միութիւնը պիտի ոգեկոչէ Մարաշի աղէտին 96-րդ տարելիցը:
Նոր Մարաշի հայ երեք յարանուանութեանց եկեղեցիներուն մէջ տեղի պիտի ունենան Ս. պատարագ, պաշտամունք եւ հոգեհանգստեան պաշտօններ, կիրակի, 31 յունուար 2016-ին, մարաշցի հին եւ նոր ննջեցեալ հայրենակիցներուն հոգիներուն համար:
Կը հրաւիրենք ձեզ բոլորդ, ներկայ գտնուելու վերոյիշեալ եկեղեցական արարողութիւններուն` յարգելու համար խնկելի յիշատակը մեր ննջեցեալներուն:
| Սրբոց Քառասնից Մանկանց եկեղեցի | Յաւարտ Ս. պատարագի |
| Ս. Փրկիչ եկեղեցի | Ժամը 10:00-ին |
| Հայ աւետարանական եկեղեցի | Ժամը 10:00-ին |
Յաւարտ եկեղեցական արարողութեանց, բոլոր հայրենակիցները հրաւիրուած են միութեանս նորակառոյց սրահը` հոգեսուրճ առնելու եւ յարգելու մեր նահատակներուն յիշատակը:
ԼԻԲԱՆԱՆԻ ՄԱՐԱՇԻ
ՀԱՅՐԵՆԱԿՑԱԿԱՆ ՄԻՈՒԹԵԱՆ
ՎԱՐՉՈՒԹԻՒՆ
—————————————————————————-
ՍՏԱՑԱՆՔ
«ԿՈՄԻՏԱՍ ԵՒ ՀԱՅԿԱԿԱՆ ԵՐԱԺՇՏՈՒԹԻՒՆԸ»
(Հայերէնէ արաբերէնի թարգմանուած ուսումնասիրութիւններու եւ յօդուածներու ժողովածու)
Թարգմանեց` ԴՈԿՏ. ՆՈՐԱ ԱՐԻՍԵԱՆ
Վերստուգում` ՄԱՅԵՍԹՐՕ ՄԻՍԱՔ ՊԱՂՊՈՒՏԱՐԵԱՆի
Դամասկոս-2016
—————————————————————————-
ԾԱԽՈՒ ՏՈՒՆ
ԱՅՆՃԱՐԻ ՄԷՋ
Քարաշէն տուն, Այնճարի մէջ, նոր շինութիւն, կղմինտրով: Շատ լաւ վիճակի մէջ: Կահաւորուած կամ առանց կահոյքի: Մանրամասնութեանց համար հեռաձայնել 70/393789 թիւին:
—————————————————————————-
ԾԱԽՈՒ ՇԷՆՔ
Այնճարի մէջ, 3 յարկանի, հետաքրքրուողները կրնան հեռաձայնել 03-321252 թիւին:
—————————————————————————-
ԳՐԱՒՈՒԱԾ ՕՐ
ԼՕԽ-Ի ՇՐՋԱՆԱՅԻՆ ՎԱՐՉՈՒԹԵԱՆ
ՅԱՐԱԲԵՐԱԿԱՆ ՅԱՆՁՆԱԽՈՒՄԲ
13 ՓԵՏՐՈՒԱՐ 2016
—————————————————————————-
ԳՐԱՒՈՒԱԾ ՕՐ
ՀՅԴ «Ն. ԱՂԲԱԼԵԱՆ» ԿՈՄԻՏԷ
ՃԱՇԿԵՐՈՅԹ-ՊԱՐԱՀԱՆԴԷՍ
20 ՓԵՏՐՈՒԱՐ 2016
—————————————————————————-
ԳՐԱՒՈՒԱԾ ՕՐ
Ս. ԽԱՉ ԵԿԵՂԵՑՒՈՅ ԲԱՐԵՍԷՐ ՏԻԿՆԱՆՑ
ՄԻՈՒԹԻՒՆ
10 ՄԱՐՏ 2016
—————————————————————————-
ԳՐԱՒՈՒԱԾ ՕՐ
ՀԱՄԱԶԳԱՅԻՆԻ ԳԵՂԱՐՈՒԵՍՏԻ
ԴՊՐՈՑՆԵՐՈՒ ԽՆԱՄԱԿԱԼՈՒԹԻՒՆ
ՃԱՇԿԵՐՈՅԹ
26 ՄԱՐՏ 2016
—————————————————————————-
ԳՐԱՒՈՒԱԾ ՕՐ
ԼՕԽ-Ի «ԱՐՑԱԽ»
ՄԱՍՆԱՃԻՒՂ
BRUNCH
5 ՄԱՅԻՍ 2016