Յայտարարութիւններ (5 Սեպտեմբեր 2015)

ՄԱՀԱԶԴ

Տիկին Յասմիկ Յովնանեան (Հայաստան)
Տէր եւ տիկին Շանթ եւ Հիլտի Յովնանեան եւ զաւակունք (Միացեալ Նահանգներ)
Տէր եւ տիկին Արթուր եւ Նինա Ալեքսանեան եւ զաւակունք (Հայաստան)
Տէր եւ տիկին Հրայր եւ Աննա Յովնանեան եւ զաւակունք (Հայաստան)
Տէր եւ տիկին Րաֆֆի եւ Անահիտ Միսիրեան եւ զաւակունք (Միացեալ Նահանգներ)
Տէր եւ տիկին Սարգիս եւ Տիրուհի Գրիգորեան եւ զաւակունք (Միացեալ Նահանգներ)
Յովնանեան եւ Ալեքսանեան ընտանիքներ
Միսիրեան եւ Գրիգորեան ընտանիքներ
Ոսպիկեան ընտանիք
եւ համայն ազգականներ կը գուժեն իրենց ամուսնոյն, հօր, մեծ հօր, եղբօր եւ հարազատին`

ՎԱՀԱԳՆ ՅՈՎՆԱՆԵԱՆԻ

մահը, որ պատահեցաւ երկուշաբթի, 31 օգոստոս, 2015-ին, Երեւանի մէջ, Հայաստան:

Յուղարկաւորութեան արարողութիւնը պիտի կատարուի շաբաթ, 5 սեպտեմբերին, կէսօրէ առաջ ժամը 11:00-ին, Մեծի Տանն Կիլիկիոյ կաթողիկոսարանի Ս. Գրիգոր Լուսաւորիչ Մայր տաճարին մէջ, Անթիլիաս:

• Ներկայս ընդունիլ իբրեւ մահազդ:

—————————————————————————-

ՀԱ­ՂՈՐ­ԴԱԳ­ՐՈՒ­ԹԻՒՆ

ԱՖ­ՀԻԼ իրե­րօգ­նու­թեան սնտու­կը ու­րախ է յայ­տա­րա­րե­լու, թէ 2015-2016 տա­րեշր­ջա­նին հա­մար հաս­տա­տած է երկ­րոր­դա­կա­նի աշա­կերտ­նե­րուն հա­մար ֆոնտ մը:

Ա.- ԱՖ­ՀԻԼ-ի ֆոն­տին կրնան դի­մել հայ­կա­կան վար­ժա­րան յա­ճա­խող երկ­րոր­դա­կան բո­լոր աշա­կերտ­նե­րը:

Բ.- Աշա­կերտ­նե­րը դի­մում­նա­գիր­նե­րը կրնան ստա­նալ ԱՖ­ՀԻԼ-ի գրա­սեն­եա­կէն` եր­կու­շաբ­թի, 7 սեպ­տեմ­բեր 2015-էն սկսեալ:

Գ.- Դի­մում­նա­գիր­նե­րը ԱՖ­ՀԻԼ յանձ­նե­լու պայ­մա­նա­ժամ ճշդուած է 12 հոկ­տեմ­բեր 2015-ը:

Դ.- Իւ­րա­քան­չիւր ըն­տա­նիք միայն մէկ դի­մում­նա­գիր կրնայ ներ­կա­յաց­նել:

ԱՖ­ՀԻԼ-Ի
ԵՐԿ­ՐՈՐ­ԴԱ­ԿԱ­ՆԻ ԱՇԱ­ԿԵՐՏ­ՆԵ­ՐՈՒ ՖՈՆՏ

—————————————————————————-

ՀԱՂՈՐԴԱԳՐՈՒԹԻՒՆ

ԱՖՀԻԼ իրերօգնութեան սնտուկը ուրախ է յայտարարելու, թէ 2015-2016 տարեշրջանին համար պիտի շարունակէ համալսարանական ֆոնտի յատկացումները:

Ա.- Ֆոնտին կրնան դիմել բոլոր հայ համալսարանականները` առաջին տարիէն սկսեալ:

Բ.- Ինչպէս նախորդ տարիներուն, այս տարի եւս ԱՖՀԻԼ-ի համալսարանական անդամները իրաւունք ունին օգտուելու ֆոնտէն (իւրաքանչիւր ընտանիքէն մէկ համալսարանական), պայմանաւ որ անդամակցած ըլլան 30 սեպտեմբեր 2014-էն առաջ: Կը խնդրուի ներկայանալ ԱՖՀԻԼ-ի գրասենեակ` իրենց համալսարանի արձանագրութեան հաստատագիրով:

Գ.- Իւրաքանչիւր ուսանող երկու յաջորդական տարիներ միայն կրնայ օգտուիլ:

Դ.- Հայ համալսարանականները, որոնք ԱՖՀԻԼ-ի անդամ չեն, 15 սեպտեմբերէն սկսեալ դիմումնագիրները կրնան ստանալ ԱՖՀԻԼ-ի կայքէջէն (website) www.afhil.com:

Դիմումնագիրները ԱՖՀԻԼ յանձնելու պայմանաժամ ճշդուած է 30 հոկտեմբեր 2015-ը:

ԱՖՀԻԼ-Ի
ՀԱՄԱԼՍԱՐԱՆԱԿԱՆ ՖՈՆՏ   

—————————————————————————-

ՀԱՂՈՐԴԱԳՐՈՒԹԻՒՆ

«Աքսոր Գասարճեան ֆոնտ»-ը ուրախ է յայտարարելու, թէ 2015-2016 տարեշրջանին համար պիտի շարունակէ համալսարանական ֆոնտի յատկացումները:

Ա.- Ինչպէս նախորդ տարիներուն, այս տարի եւս «Աքսոր Գասարճեան ֆոնտ»-ին կրնան դիմել բոլոր հայ համալսարանականները` առաջին տարիէն սկսեալ:

Բ.- Իւրաքանչիւր ուսանող երկու յաջորդական տարիներ միայն կրնայ օգտուիլ:

Գ. Ուսանողները դիմումնագիրները կրնան ստանալ ԱՖՀԻԼ-ի գրասենեակէն` երկուշաբթի, 7 սեպտեմբեր 2015-էն սկսեալ:

Դ.- Դիմումնագիրները ԱՖՀԻԼ յանձնելու պայմանաժամ ճշդուած է մինչեւ 2 նոյեմբեր 2015:

Ե.- Այս տարեշրջանին իւրաքանչիւր ուսանողի համար պիտի յատկացուի 1.200.000 լ. ո.:

«ԱՔՍՈՐ ԳԱՍԱՐՃԵԱՆ ՖՈՆՏ»

—————————————————————————-

Յոբելենական Ձեռնարկներու Շարք
Զ. Շաբաթ

Մուսալեռցի ականաւոր գրող եւ գրաքննադատ
Պօղոս Սնապեանի Տուն Թանգարանի Բացում

նահատակ Յովհաննէս Լուրջեանի յիշատակին

խօսք կ՛առնեն Հայկական երեսփոխանական պլոքի ներկայացուցիչ Յակոբ Բագրատունի
եւ
Հերոսամարտի 100-ամեակի կեդրոնական մարմինի նախագահ Եսայի Հաւաթեան

Տեղի կ՛ունենայ շաբաթ, 5 սեպտեմբեր 2015-ի  երեկոյեան ժամը 7:00-ին:

ՀՄԸՄ-ի Այնճարի շեփորախումբի Նուագահանդէս

Կազմակերպութեամբ`
ՀՄԸՄ Այնճարի մասնաճիւղին

Տեղի կ՛ունենայ նոյն օրը երեկոյեան ժամը 8:00-ին, ՀՄԸՄ-ի Այնճարի պասքեթպոլի դաշտին վրայ:

Տօնահանդէս Հայոց ցեղասպանութեան եւ
Մուսա Լերան Հերոսամարտի 100-ամեակին առիթով

կազմակերպութեամբ` Այնճարի Հայ կաթողիկէ համայնքի ժողովրդապետութեան

նահատակ Միսաք Պայրամեանի յիշատակին

Նախատօնակ «Սրբոց Թարգմանչացն», օրհնութիւն եւ Քողազերծում «Ապրիլեան նահատակներու եօթնվէրք Տիրամայր» խաչքարին (գործ` Աղասիի- Պօղոս Թասլաքեան)` կիրակի, 6 սեպտեմբեր 2015-ի երեկոյեան ժամը 7:00-ին:

Ներկայացում` «Էրէբունի» նորաստեղծ ինքնահոսին    (գործ` Գրիգոր Սգայեանի)
եւ «Վերածնունդով դէպի յաւերժութիւն» յուշագիրքին (հեղինակ` Մեսրոպ վրդ. Թոփալեան):

Շնորհահանդէս` «Այնճարի Ս. Վարդարանի Տիրամայր հայ կաթողիկէ համայնքին պատմագրութեան համար» նորատիպին (Հեղինակ` Մեսրոպ վրդ. Թոփալեան):

—————————————————————————-

ՀՈԳԵՀԱՆԳԻՍՏ

ՄԱՍԻՍ ԳԱՐԱՃԵԱՆի մահուան առիթով հոգեհանգստեան պաշտօն պիտի կատարուի կիրակի, 6 սեպտեմբեր 2015-ին, Նորաշէնի Սրբոց Վարդանանց եկեղեցւոյ մէջ, յաւարտ Ս. պատարագի:

ԵՒԳԻՆ ՇԱՀՊԱԶԵԱՆի մահուան Ա. տարելիցին առիթով հոգեհանգստեան պաշտօն պիտի կատարուի կիրակի, 6 սեպտեմբեր 2015-ին, Պուրճ Համուտի Հայ կաթողիկէ Ս. Փրկիչ եկեղեցւոյ մէջ, առաւօտեան ժամը 10:00-ին:

ՕՀԱՆՆԷՍ ՊՈՍՆՈՅԵԱՆի մահ­ուան քա­ռա­սուն­քին առի­թով հո­գե­հանգստ­եան պաշ­տօն պի­տի կա­տար­ուի կի­րա­կի, 6 սեպ­տեմ­բեր 2015-ին, Նո­րա­շէ­նի Ս. Վար­դա­նանց եկե­ղեց­ւոյ մէջ, յա­ւարտ Ս. պա­տա­րա­գի:

ԱՐՓԻՆԷ ՊԱՊԻԿԵԱՆի մահուան Ա. տարելիցին եւ ՌՈՒԲԷՆ ՊԱՊԻԿԵԱՆի մահուան Գ. տարելիցին առիթով հոգեհանգստեան պաշտօն պիտի կատարուի կիրակի, 6 սեպտեմբեր 2015-ին, Ս. Նշան Մայր եկեղեցւոյ մէջ, յաւարտ Ս. պատարագի:

ՊԵՐՃՈՒՀԻ ՍԻՄՈՆԵԱՆի մահուան քառասունքին առիթով հոգեհանգստեան պաշտօն պիտի կատարուի կիրակի, 6 սեպտեմբեր 2015-ին, Նոր Ատանայի Ս. Աստուածածին եկեղեցւոյ մէջ, յաւարտ Ս. պատարագի:

—————————————————————————-

ՅԱՅՏԱՐԱՐՈՒԹԻՒՆ

Ուրախութեամբ կը յայտնենք Պոլոնիայի եւ Մուրուժի մեր ազգայիններուն, թէ կիրակի, 6 սեպտեմբեր 2015-ին, Ս. եւ անմահ պատարագ պիտի մատուցուի Մուրուժի Մար Թաքլա եկեղեցւոյ մէջ:

Երգեցողութիւնը պիտի կատարէ Ս. Նշան Մայր եկեղեցւոյ դպրաց դասը:

Պիտի նախագահէ եւ քարոզէ`
ԳԵՐՇ. Տ. ՇԱՀԷ ԵՊՍ. ՓԱՆՈՍԵԱՆ
ԱՌԱՋՆՈՐԴ ԼԻԲԱՆԱՆԻ ՀԱՅՈՑ ԹԵՄԻՆ

Սիրով կը հրաւիրենք մեր հաւատացեալ ժողովուրդը` ներկայ գտնուելու եւ մասնակցելու օրուան սուրբ խորհուրդին:

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ   

—————————————————————————-

 ՇՆՈՐՀԱԿԱԼԻՔ

Տէր եւ տիկին Յակոբ եւ Սիլվա Քէշիշեան եւ տէր եւ տիկին Կարօ եւ Ովսաննա Թաշճեան շնորհակալութիւն կը յայտնեն բոլոր անոնց, որոնք անձամբ, նուիրատուութեամբ, ծաղկեկողովով, հեռաձայնով, ե-նամակով կամ այլապէս մասնակից դարձան իրենց զաւակներուն` Հրայրին եւ Սօսէին Ս. պսակի խորհուրդին:

—————————————————————————-

ՕՐՈՒԱՆ ՃԱՇԸ

ՄԻՍՈՎ ԵՒ ՇՈՄԻՆՈՎ
ՄԱՆԹԸ

Գին` 16.000 լիբ. ոսկի

Հեռ. 01-240214

www.badguer.com

—————————————————————————-

—————————————————————————-

ՍՐԲՈՑ ՀՌԻՓՍԻՄԵԱՆՑ ԲԱՐՁՐԱԳՈՅՆ ՎԱՐԺԱՐԱՆ
ՖԱՆԱՐ-Հեռ. 01-891099/68

ԿՐԹԱԿԱՆ ՏԱՐԵՇՐՋԱՆ
2015-2016

Արձանագրութիւնները կը վերսկսին երեքշաբթի, 1 սեպտեմբեր 2015, առաւօտեան ժամը 8:30-12:30, բացի շաբաթ օրերէն:

Ծաղկոցի արձանագրութիւնները եւս տեղի կ՛ունենան վարժարանիս քարտուղարութեան մօտ, նոյն ժամանակացոյցով. իսկ Ծաղկոցը իր դռները կը բանայ 30 սեպտեմբեր 2015-ին, առաւօտեան ժամը 7:30-ին, վարժարանիս մօտակայ Kideology-ին մէջ:

Գրենական պիտոյքներու եւ համազգեստի վաճառքը` երկուշաբթի, 14 սեպտեմբեր 2015-էն սկսեալ, առաւօտեան ժամը 8:30-էն 12:30, բացի շաբաթ օրերէն:

Նորեկ աշակերտներու մուտքի քննութիւնները եւ վերաքննութիւնները տեղի կ՛ունենան երկուշաբթի, 7 սեպտեմբեր 2015-ին, առաւօտեան ժամը 8:30-ին:

ՎԵՐԱՄՈՒՏԻ ԹՈՒԱԿԱՆՆԵՐ

Երեքշաբթի, 15 սեպտեմբեր 2015 – Թ., Ժ., ԺԱ., ԺԲ. դասարաններուն` առաւօտեան ժամը 7:25-12:15
Երկուշաբթի, 28 սեպտեմբեր 2015 – Նախակրթարանի եւ միջնակարգի բոլոր դասարաններուն` առաւօտեան ժամը 7:25-12:15
Երեքշաբթի, 29 սեպտեմբեր 2015 –  Մանկապարտէզի Բողբոջ, Կոկոն, Ծաղիկ դասարաններու` առաւօտեան ժամը 7:25-12:15
Հինգշաբթի, 1 հոկտեմբերէն սկսեալ դասաւանդութիւնը կ՛ըլլայ լիաժամ` առաւօտեան ժամը 7:30-2:30:

ՏՆՕՐԷՆՈՒԹԻՒՆ

—————————————————————————-

ԱԶԳԱՅԻՆ ՍՐԲՈՑ
ՔԱՌԱՍՆԻՑ ՄԱՆԿԱՆՑ ՎԱՐԺԱՐԱՆ

ՎԵՐԱՄՈՒՏ

Ազգային Սրբոց Քառասնից Մանկանց վարժարանի տնօրէնութիւնը այսու կու գայ յայտնելու, որ 2015-2016 կրթական տարեշրջանի արձանագրութիւնները, հին ու նոր աշակերտներուն համար, կը շարունակուին ամէն օր, առաւօտեան ժամը 8:00-1:00, բացի շաբաթ օրերէն: Դիւրացնելու համար վերամուտի աշխատանքները` ծնողներէն կը խնդրուի արձանագրութիւնները կատարել մինչեւ չորեքշաբթի, 16 սեպտեմբեր 2015:

Ծնողներէն կը խնդրենք նկատի ունենալ նաեւ, որ`

1.- Նորեկ աշակերտները պարտին իրենց հետ բերել իխրաժ քայտ, նախորդ տարուան վիճակացոյցը եւ փոխանցման գիր` վաւերացուած կրթական նախարարութենէն (Իֆատէ):

2.- Կրթական նոր տարեշրջանի վերամուտը տեղի կ՛ունենայ`

Հինգշաբթի, 17 սեպտեմբեր 2015, նախակրթարան:

Հինգշաբթի, 24 սեպտեմբեր 2015, մանկապարտէզի Ծաղիկ եւ Կոկոն դասարաններ:

Ուրբաթ, 25 սեպտեմբեր 2015, Բողբոջ դասարան:

ՏՆՕՐԷՆՈՒԹԻՒՆ

—————————————————————————-

ԱԶԳԱՅԻՆ ԱԲԳԱՐԵԱՆ ՎԱՐԺԱՐԱՆ
Հեռ. 01/261622

ա.- 2015/2016 կրթական տարեշրջանի արձանագրութիւնները կը շարունակուին ամէն օր, առաւօտեան ժամը 8:30-էն 13:00, բացի շաբաթ օրերէն:

բ.- Նորեկ աշակերտներէն կը պահանջուի նոր «իխրաժ քայտ», վերջին տարուան վիճակացոյցը, «իֆատէ»` նախորդ վարժարանէն, վաւերացուած կրթութեան նախարարութենէն:

գ.- Կրթական նոր տարեշրջանի վերամուտը տեղի կ՛ունենայ`

Հինգշաբթի, 17 սեպտեմբեր 2015-ին, նախակրթարան:

Հինգշաբթի, 24 սեպտեմբեր 2015-ին, մանկապարտէզ:

դ.- Յաւելեալ մանրամասնութեանց համար դիմել քարտուղարութեան:

ՏՆՕՐԷՆՈՒԹԻՒՆ
ԱԶԳԱՅԻՆ ԱԲԳԱՐԵԱՆ ՎԱՐԺԱՐԱՆԻ

—————————————————————————-

ՀԱՅ ԱՒԵՏԱՐԱՆԱԿԱՆ ՇԱՄԼԵԱՆ ԹԱԹԻԿԵԱՆ
ԵՐԿՐՈՐԴԱԿԱՆ ՎԱՐԺԱՐԱՆ
(Պուրճ Համուտ, հեռ. 01-261749)

ՎԵՐԱՄՈՒՏ 2015-2016

Արձանագրութիւն

Արձանագրութիւնները սկսած են եւ կը շարունակուին սեպտեմբեր ամսուան ընթացքին, ամէն օր` ժամը 9:00-12:00:

Ծանօթ.- 18 սեպտեմբերը վերջին օրն է կրթանպաստի դիմումնագիրներ ընդունելու:

Վերամուտ

Երկրորդականի Գ. կարգի (Bacc. II-

ի) դասաւանդութիւնները կը սկսին երկուշաբթի, 14 սեպտեմբերին: Այս դասարանին համար անհրաժեշտ վերաքննութիւնները` հինգշաբթի, 10 սեպտեմբեր, առաւօտեան ժամը 9:00-ին:

Միջնակարգի Գ. կարգ (Պրէօվէ) դասաւանդութիւնները կը սկսին երկուշաբթի, 14 սեպտեմբերին:

Մնացեալ բոլոր կարգերու դասաւանդութիւնները կը սկսին ուրբաթ, 25 սեպտեմբերին, առաւօտեան ժամը 8:00-ին:

Մանկապարտէզի կրթական տարեշրջանը կը սկսի չորեքշաբթի, 30 սեպտեմբերին, առաւօտեան ժամը 8:00-ին:

Վերաքննութիւններ

Լեզուներ` չորեքշաբթի, 22 սեպտեմբեր, առաւօտեան ժամը 9:00-ին.

Այլ նիւթեր` հինգշաբթի, 23 սեպտեմբեր, առաւօտեան ժամը 9:00-ին:

Նորեկ աշակերտներ

Նորեկ աշակերտները պարտին ներկայացնել, վիճակացոյցի եւ վաւերացուած «իֆատէ»-ի կողքին, բարի վարուց վկայագիր: Նորեկ աշակերտներու մուտքի քննութիւն` վերաքննութեանց օրերուն հերթով:

—————————————————————————     

Ս. ԱԳՆԷՍ ՄԻՋՆԱԿԱՐԳ ՎԱՐԺԱՐԱՆ
Հեռ. 01261139

2015-2016 տարեշրջանի արձանագրութիւնները սկսան են երեքշաբթի, 1 սեպտեմբերէն մինչեւ 1 հոկտեմբեր 2015, ամէն օր առաւօտեան ժամը 8:30-էն 12:30, բացի շաբաթ եւ կիրակի օրերէն:

Նորեկ աշակերտները պարտին իրենց հետ բերել.

Նախորդ դպրոցի վիճակացոյցը եւ փոխանցագիրը` վաւերացուած պետութենէն:
Անձնաթուղթի կամ «Իխրաճ քայտ»-ի լուսապատճէն
3 լուսանկար եւ պատուաստի տետրակի լուսապատճէն (մանկապարտէզի աշակերտներուն համար)

ՎԵՐԱՄՈՒՏ

Երեքշաբթի, 15 սեպտեմբեր          Իններորդ դասարան (Պրէօվէ)
Երկուշաբթի, 28 հոկտեմբեր         Նախակրթարան եւ Միջնակարգ (Առաջինէն մինչեւ 8-րդ)
Հինգշաբթի, 1 հոկտեմբեր              Մանկապարտէզ

Բարի վերամուտ

ՏՆՕՐԷՆՈՒԹԻՒՆ
Ս. ԱԳՆԷՍ ՎԱՐԺԱՐԱՆԻ

—————————————————————————-

ԾԱԽՈՒ ՅԱՐԿԱԲԱԺԻՆ
ԵՐԵՒԱՆԻ ՄԷՋ

Նորք Մարաշի շրջան, արդիական «տելիւքս» նորակառոյց շէնք, 150 քառ. մեթր, 5-րդ յարկ, գեղատեսիլ դիրք, օժտուած` ամէն յարմարութիւններով: Դիմել` հեռ. 04-710964:

—————————————————————————-

Կ՛ՈՒԶՈՒԻ

Հաստատութիւն մը կարիքը ունի իր ցուցադրասրահին մէջ կանացի հագուստ վաճառող օրիորդի մը: Դիմել` հեռ. 03-412442:

—————————————————————————-

ԾԱԽՈՒ Է

Ճամբորդութեան պատճառով գրասենեակի ամբողջական կահոյք, «Ինթըրտիզայն»-ի պատրաստութիւն: Դիմել` հեռ. 03-655466:

—————————————————————————-

ԾԱԽՈՒ ՅԱՐԿԱԲԱԺԻՆ

Պէյթ Շաարի շրջան, 3 ննջասենեակ, հիւրասրահ, ճաշասրահ, 3 բաղնիք, Ա. յարկ, գեղատեսիլ դիրք, կառատուն + վերելակ + մթերանոց: Դիմել` հեռ. 03-515105:

—————————————————————————-

ՎԱՐՁՈՒ ՅԱՐԿԱԲԱԺԻՆ

Պուրճ Համուտ, 1 ննջասենեակ, հիւրասրահ եւ յարակից մասեր, լման կահաւորուած` շաբաթական կամ ամսական վարձքով: Հեռ. 03-458885: