«ԿԵԱՆՔ ՄԸ ՓՐԿԵՆՔ» ՖՈՆՏ
Սիրելի՛ հայրենակից,
«Կեանք մը փրկենք ֆոնտ»-ին դիմած է 12 տարեկան պարմանուհի մը, որ մէկ ամիսէն ողնահարի բարդ գործողութեան պիտի ենթարկուի:
Նախնական ծախսերը կը նախատեսուին 12.000 ամերիկեան տոլար:
Ընտանիքին եւ հարազատներուն ճիգերով հաւաքուած է արդէն որոշ գումար մը:
Սակայն ծախսերը ամբողջացնելու համար անհրաժեշտ կարիքը կայ ձեր նուիրատուութիւններուն:
Այս իմաստով դարձեալ ձեզի կը դիմենք, սիրելի՛ հայրենակից, որ «Կեանք մը փրկենք ֆոնտ»-ին կոչին ընդառաջէք:
Վստահ եղէք, որ ինչպէս նախորդ կոչերուն պարագային, այս անգամ եւս ձեր նուիրատուութեամբ կեանք մը կը փրկենք:
Նուիրատուութիւնները կարելի է կատարել ԱՖՀԻԼ-ի, «Ճինիշեան»-ի եւ ԼՕԽ-ի «Արաքսի Պուլղուրճեան» կեդրոններուն մէջ:
ՄԻՋԲԱՐԵՍԻՐԱԿԱՆ ՄԻՈՒԹԻՒՆՆԵՐՈՒ
ՀԱՄԱԽՄԲՈՒՄ
—————————————————————————-
ՄԱՀԱԶԴ
Տիկին Ժնեւ Քէլէշեան
Տէր եւ տիկին Կարապետ եւ Ռիթա Քէլէշեան եւ զաւակները` Եղիա, Նժդեհ եւ Սէրին-Բալիկ
Տէր եւ տիկին Գրիգոր եւ Մարալ Յովհաննէսեան եւ զաւակները` Մեսրոպ, Շողակ եւ Կորիւն
Տէր եւ տիկին Ներսէս եւ Սիրան Վեզիրեան եւ զաւակները` Լիլա, Արին, Լարի, Աւօ-Քրիստ եւ Նայիրի
Տէր եւ տիկին Աւետիս եւ Ռիթա Քէլէշեան եւ զաւակունք
Քէլէշեան եւ Յովհաննէսեան ընտանիքներ
Վեզիրեան եւ Գաթըրճեան ընտանիքներ
Ապտոյեան եւ Մարզումանեան ընտանիքներ
Ռուսիալեան եւ Մաթէեան ընտանիքներ
Այվազեան եւ Շէօհմելեան ընտանիքներ
Քէշիշեան եւ Տեքիրմենճեան ընտանիքներ
Իշխանեան եւ Պիւյտիւզեան ընտանիքներ
Իսկենեան ընտանիք
եւ համայն ազգականներ կը գուժեն իրենց ամուսնոյն, հօր, մեծ հօր, եղբօր, հօրեղբօր, մօրեղբօր եւ հարազատին`
ԵՂԻԱ ՔԷԼԷՇԵԱՆԻ
(Ծնեալ` 1932-ին)
մահը, որ պատահեցաւ երեքշաբթի, 17 մայիս 2016-ին:
Յուղարկաւորութեան արարողութիւնը պիտի կատարուի հինգշաբթի, 19 մայիսին, կէսօրէ ետք ժամը 2:00-ին, Նորաշէնի Սրբոց Վարդանանց եկեղեցւոյ մէջ, ուրկէ հանգուցեալին մարմինը պիտի փոխադրուի Պուրճ Համուտի Ազգային գերեզմանատունը:
Ներկայս ընդունիլ իբրեւ մահազդ:
Ցաւակցութիւնները կ՛ընդունուին յետ թաղման արարողութեան, Ազգային առաջնորդարանի «Երջօ Սամուէլեան-Եռագոյն» սրահին մէջ, մինչեւ երեկոյեան ժամը 7:00, նաեւ ուրբաթ 20 մայիսին առաւօտեան ժամը 11:00-էն մինչեւ երեկոյեան ժամը 7:00, նոյն վայրին մէջ:
ԾԱՆՕԹ.- Փոխան ծաղկեպսակի` նուիրատուութիւնները կատարել ԼՕԽ-ի «Անի» մասնաճիւղին, Ժտէյտէ:
—————————————————————————-
ՏՕՆ ՍՐԲՈՑ ՀՌԻՓՍԻՄԵԱՆՑ
ԵՐԿՈՒՇԱԲԹԻ, 9 ՄԱՅԻՍԷՆ
ԵՐԿՈՒՇԱԲԹԻ, 23 ՄԱՅԻՍ 2016
Սրբոց Հռիփսիմեանց կոյսերու տօնին առիթով աղօթքի երեկոները եւ մասունքներու թափօրները կը շարունակուին ամէն օր երեկոյեան ժամը 7:00-ին, թեմիս կարգ մը եկեղեցիներուն մէջ` հետեւեալ ժամանակացոյցով .
Չորեքշաբթի, 18 մայիս 2016, երեկոյեան ժամը 7:00
Սրբոց Քառասնից Մանկանց եկեղեցւոյ մէջ կարճ աղօթքի պահէ մը ետք, առաջնորդ սրբազան հօր նախագահութեամբ եւ մասնակցութեամբ քահանայից դասուն ու հաւատացեալներուն, Սրբոց Հռիփսիմեանց մասունքով պիտի կազմուի թափօր դէպի Ս. Աստուածածին եկեղեցի:
Հինգշաբթի, 19 մայիս 2016, երեկոյեան ժամը 7:00
Ս. Աստուածածին եկեղեցւոյ մէջ պիտի կատարուի Սրբոց Հռիփսիմեանց կոյսերուն նուիրուած յատուկ աղօթք, ապա պատգամ պիտի փոխանցուի հաւատացեալներուն:
Ուրբաթ, 20 մայիս 2016, երեկոյեան ժամը 7:00
Ս. Աստուածածին եկեղեցւոյ մէջ պիտի կատարուի Սրբոց Հռիփսիմեանց կոյսերուն նուիրուած յատուկ աղօթք, ապա պատգամ պիտի փոխանցուի հաւատացեալներուն:
Երկուշաբթի, 23 մայիս 2016, երեկոյեան ժամը 7:00
Սրբոց Հռիփսիմեանց տօնին առիթով, Ս. Աստուածածին եկեղեցւոյ մէջ պիտի մատուցուի հանդիսաւոր սուրբ պատարագ, որուն պիտի յաջորդէ ջրօրհնէք եւ խունկի օրհնութեան արարողութիւն:
Սիրով կը հրաւիրենք մեր հաւատացեալ ժողովուրդը` ներկայ գտնուելու վերոյիշեալ արարողութեանց եւ մասնակից դառնալու այս առիթով տեղի ունենալիք հանդիսաւոր ուխտի թափօրներուն:
ԼԻԲԱՆԱՆԻ ԹԵՄԻ
ԿՐՕՆԱԿԱՆ ԺՈՂՈՎ
—————————————————————————-
ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ
ԿՐԹԱԿԱՆ-ՀԱՅԱԳԻՏԱԿԱՆ ԳՐԱՍԵՆԵԱԿԸ
Կը հրաւիրէ ձեզ ներկայ գտնուելու
ՍՈՆԱ ՎԱՆԻ
«ԼԻԲՐԷԹՕ ԱՆԱՊԱՏԻՆ»
ՔԵՐԹՈՂԱԳԻՐՔԻ (ԱՐԱԲԵՐԷՆ)
ՇՆՈՐՀԱՀԱՆԴԷՍԻՆ,
որ տեղի պիտի ունենայ հինգշաբթի, 19 մայիս 2016-ին, երեկոյեան ժամը 7:00-ին, «Կիլիկիա» Թանգարանի սրահին մէջ, Անթիլիաս:
—————————————————————————-
ԾԱՅՐԱԳՈՅՆ ՎԱՐԴԱՊԵՏԱԿԱՆ
ԱՍՏԻՃԱՆԻ ՏՈՒՉՈՒԹԻՒՆ
ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ
Կիրակի, 22 մայիս 2016-ին, Մեծի Տանն Կիլիկիոյ կաթողիկոսութեան Ս. Գրիգոր Լուսաւորիչ Մայր տաճարին մէջ, յընթացս Ս. եւ անմահ պատարագին, տեղի պիտի ունենայ ծայրագոյն վարդապետական աստիճանի տուչութիւն`
ՀՈԳՇ. Տ. ԱՆԱՆԻԱ ՎՐԴ. ԳՈՒՃԱՆԵԱՆԻ
ՀՈԳՇ. Տ. ՄԵՍՐՈՊ ՎՐԴ. ՍԱՐԳԻՍԵԱՆԻ
ՀՈԳՇ. Տ. ԹՈՐԳՈՄ ՎՐԴ. ՏՕՆՈՅԵԱՆԻ
Միաժամանակ ծայրագոյն վարդապետական աստիճան պիտի ստանան հետեւեալ միաբանները`
ՀՈԳՇ. Տ. ԳԵՂԱՐԴ ՎՐԴ. ՔԻՒՍՊԷԿԵԱՆ – Թորոնթօ, Քանատա
ՀՈԳՇ. Տ. ՍԱՀԱԿ ՎՐԴ. ԵՄԻՇԵԱՆ – Ուսթր, Միացեալ Նահանգներ
ՀՈԳՇ. Տ. ՂԵՒՈՆԴ ՎՐԴ. ԲԷՆԴԷԶԵԱՆ – Շիքակօ, Միացեալ Նահանգներ
Հայր սուրբերուն աւարտաճառերուն պաշտպանութիւնը տեղի պիտի ունենայ շաբաթ, 21 մայիս 2016-ին, միաբան հայրերուն ներկայութեան եւ վեհափառ հայրապետին նախագահութեամբ:
Միացեալ Նահանգներու մէջ ծայրագոյն վարդապետական աստիճանի տուչութիւնը պիտի կատարէ Գերշ. Տ. Օշական արք. Չօլոյեան, առաջնորդ Հիւսիսային Ամերիկայի արեւելեան թեմին, Քանատայի մէջ` Գերշ. Տ. Խաժակ արք. Յակոբեան, իսկ Լիբանանի մէջ` Գերշ. Տ. Շահէ եպս. Փանոսեան, առաջնորդ Լիբանանի հայոց թեմին:
Անթիլիասի Մայր տաճարին մէջ ծայրագոյն վարդապետութեան աստիճանի տուչութեան արարողութեան պիտի հանդիսապետէ`
ՆՍՕՏՏ ԱՐԱՄ Ա. ԿԱԹՈՂԻԿՈՍ
Սիրով կը հրաւիրուի հաւատացեալ ժողովուրդը սոյն հոգեպարար արարողութեանց:
ԴԻՒԱՆ ԿԱԹՈՂԻԿՈՍԱՐԱՆԻ
—————————————————————————-
ՀԱՅԿԱԶԵԱՆ ՀԱՄԱԼՍԱՐԱՆ
ՀԱՅԿԱԿԱՆ ՍՓԻՒՌՔԻ ՈՒՍՈՒՄՆԱՍԻՐՈՒԹԵԱՆ ԿԵԴՐՈՆ
ՅՈՐԴԱՆԱՆԻ ՀԱՅԵՐԸ ԳԻՏԱԺՈՂՈՎԻ
ՊԱՇՏՕՆԱԿԱՆ ԲԱՑՈՒՄ
Յորդանանի Նոր Շրջանի Պատմութիւնը. Օսմանեան եւ Ազգային Իշխանութեան Շրջան (1850-1946)
Հիւր բանախօս` ՓՐՈՖ. ՀԻՆՏ ԱՊՈՒ ՇԸԸՐ
Կիրակի, 22 մայիս 2016, երեկոյեան ժամը 5:00, Հայ աւետարանական Ա. եկեղեցւոյ հանդիսասրահին մէջ:
ԼՈՒՍԱՆԿԱՐՉԱԿԱՆ ՑՈՒՑԱՀԱՆԴԷՍ
Յորդանանահայ լուսանկարիչ`
ՄԻՐՕ ԳԻԶԻՐԵԱՆԻ
Կիրակի, 22 մայիս 2016, երեկոյեան ժամը 6:30, «Ա. Մաթոսեան» արուեստի ցուցասրահ, Հայկազեան համալսարան:
—————————————————————————-
ՕՐՈՒԱՆ ՃԱՇԸ
ՍՄԲՈՒԿՈՎ
ՁԱՒԱՐՈՎ ԼԻՑՔ
+ ՄԱԾՈՒՆ
Գին՝
17.000 լիբ. ոսկի
Հեռ. 01-240214
Հեռ. 70-607548
www.badguer.com
—————————————————————————-
ՎԱՐՁՈՒ ՅԱՐԿԱԲԱԺԻՆ
Զալքայի մայր ճամբուն մօտ, կահաւորուած, 3 ննջասենեակ, յարակից մասեր, 2 պատշգամ, վերելակ + կառատուն, 2-րդ յարկ: Հեռ. 04-981917 կամ 03-325844:
—————————————————————————-
ԾԱԽՈՒ ՏՈՒՆ
Այնճարի մէջ, 2 ննջասենեակ, հիւրասրահ + պարտէզ` պտղատու ծառերով + մթերանոցի յարմար 2 սենեակ + կառատուն:
Դիմել` հեռ. 03-463257:
—————————————————————————-
ՀԱՄԱԶԳԱՅԻՆԻ Մ. ԵՒ Հ. ԱՐՍԼԱՆԵԱՆ
ՃԵՄԱՐԱՆԻ ՍԱՆԵՐՈՒ ՖՈՆՏԻՆ
Նանոր Փափազեանի մահուան առիթով`
Գոնտայեան ընտանիք 50.000 լ. ո.
—————————————————————————-
ԿԸ ՆՈՒԻՐԵՆ
Սիմոն Յովհաննէսեանի մահուան առիթով փոխան ծաղկեպսակի Սրբոց Վարդանանց եկեղեցւոյ կատարուած են հետեւեալ նուիրատուութիւնները.
Տիար Ժան Նաամերի 50$, տիար Ղասսան Ղանեմ եւ ընտանիք 30$, տիար Համբար Փելթեքեան եւ ընտանիք 20$, Պարսումեան ընտանիք 150.000 լ. ո., տիար Ժան Իսհաք եւ ընտանիք 100.000 լ. ո., տիար Էլիաս Շալհուպ եւ ընտանիք 60.000 լ. ո., տիար Մարուան Քապալան Սաղպինի 50.000 լ. ո., Քաթիա եւ Ամմա Պահութ 50.000 լ. ո., տիար Լեւոն Փեհլուրեան 50.000 լ. ո., տիար Ժըրես Նասեր եւ ընտանիք 50.000 լ. ո., տիար Ժըրես Շալահ եւ ընտանիք 50.000 լ. ո., Քէշիշեան ընտանիք 50.000 լ. ո., տիար Լուտի Նաշաուանի եւ ընտանիք 50.000 լ. ո., տիար Ժան Մհաուաժ 50.000 լ. ո., տիար Ուատիհ Մխթար 50.000 լ. ո., տիար Վիգէն Սրապեան եւ ընտանիք (Ապու Տիքօ) 50.000 լ. ո., Ապըտ Նուր ընտանիք 50.000 լ. ո., տիար Դանիէլ Հատտատճեան 50.000 լ. ո., տիար Անթուան Նեժիպ Ապըտ Մասիհ եւ ընտանիք 50.000 լ. ո., տիար Ժորժ Նեժիպ Ապըտ Մասիհ եւ ընտանիք 50.000 լ. ո., տիար Շաահիլ Խալիլ 50.000 լ. ո., տիկին Մարալ Գայէլեան 35.000 լ. ո., հանգուցեալ Էլիաս Նաքուզիի այրին` տիկին Ֆըրիալ 30.000 լ. ո., տիար Թոնի Ժահժահ 30.000 լ. ո., տիար Յակոբ Պելուժի 30.000 լ. ո., տիար Ժոզեֆ Նասր եւ ընտանիք 30.000 լ. ո., տիար Պութրոս Նասիր 30.000 լ. ո., Քէչէճեան ընտանիք 30.000 լ. ո., տիկին Զէյնա Աաքուրի եւ ընտանիք 25.000 լ. ո., տիար Ֆատի Շաար եւ Լորեթ Պահութ-Շաար 25.000 լ. ո., տիար Միսաք Փիլաւճեան 25.000 լ. ո., տիար Աւետիս Ատուրեան 25.000 լ. ո., տիար Ժոզեֆ Նայիմ Սաղպինի 20.000 լ. ո., տիար Ժորժ Սատաքա եւ ընտանիք 20.000 լ. ո., տէր եւ տիկին Սմբատ Խոճիկեան 20.000 լ. ո., տիար Ուատիհ Նաքուզի 20.000 լ. ո., տիար Կարապետ Գույումճեան 20.000 լ. ո., տիար Իտ Տիպ եւ ընտանիք 20.000 լ. ո., տիար Սեւակ Փուչիկեան 20.000 լ. ո., տիար Քամիլ Ժմէյլ 20.000 լ. ո., տիար Յովսէփ Ժան Տէրտէրեան 20.000 լ. ո., տիար Սարգիս Էրզրումեան 20.000 լ. ո., տիար Ղալեպ Քուքաշ 15.000 լ. ո., տիար Սուրէն Դարբինեան 10.000 լ. ո.:
—————————————————————————-
ԳՐԱՒՈՒԱԾ ՕՐ
ՄԵԼԳՈՆԵԱՆ ԿՐԹԱԿԱՆ
ՀԱՍՏԱՏՈՒԹԵԱՆ
ԼԻԲԱՆԱՆԻ ՍԱՆՈՒՑ ՄԻՈՒԹԻՒՆ
1 ՅՈՒՆԻՍ 2016
—————————————————————————-
ԳՐԱՒՈՒԱԾ ՕՐ
ՀՅԴ «ՇՈՒՇԻ» ԿՈՄԻՏԷ
ՃԱՇԿԵՐՈՅԹ- ՊԱՐԱՀԱՆԴԷՍ
21 ՄԱՅԻՍ 2016
—————————————————————————-
ՀՄԸՄ-Ի ԼԻԲԱՆԱՆԻ
ՇՐՋԱՆԱՅԻՆ ՎԱՐՉՈՒԹԻՒՆ
ԳՐԱՒՈՒԱԾ ՕՐ
ՄԱՅԻՍԵԱՆ ՓԱՌԱՏՕՆ
ՇԱԲԱԹ, 28 ՄԱՅԻՍ 2016
—————————————————————————-
ԳՐԱՒՈՒԱԾ ՕՐ
ՈՒՐՖԱՅԻ ՀԱՅՐԵՆԱԿՑԱԿԱՆ
ՄԻՈՒԹԻՒՆ
11 ՅՈՒՆԻՍ 2016
—————————————————————————-
ԳՐԱՒՈՒԱԾ ՕՐ
ՀԱՄԱԶԳԱՅԻՆԻ «ԳԱՅԵԱՆԷ»
ՊԱՐԻ ԴՊՐՈՑ
ՏԱՐԵԿԱՆ ԵԼՈՅԹ
24-25 ՅՈՒՆԻՍ 2016
————————————————————————-
ԳՐԱՒՈՒԱԾ ՕՐ
«ՃԻՆԻՇԵԱՆ» ՅԻՇԱՏԱԿԻ ՁԵՌՆԱՐԿ
50-ԱՄԵԱԿԻ ՀԱՆԴԻՍՈՒԹԻՒՆ
ՈՒՐԲԱԹ, 22 ՅՈՒԼԻՍ 2016