Յայտարարութիւններ (23 Հոկտեմբեր 2015)

ՀՅ ԴԱՇՆԱԿՑՈՒԹԵԱՆ 125-ԱՄԵԱԿԻ
ՏՕՆԱԿԱՏԱՐՈՒԹԻՒՆ – 4 ԴԵԿՏԵՄԲԵՐ 2015

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹԻՒՆԸ ԿԸ ՁԳՏԻ ՀԱՅ ԴԱՏԻ ԼՈՒԾՄԱՆ – ԱՄԲՈՂՋԱԿԱՆ ՀԱՅՈՒԹԵԱՄԲ` ԱՄԲՈՂՋԱԿԱՆ ՀԱՅՐԵՆԻՔԻ ԿԵՐՏՈՒՄԻՆ:

ՀՅԴ ԾՐԱԳԻՐ

—————————————————————————-

ՄԱՀԱԶԴ

Տիար Վարդիվառ Հաճընլեան
Տէր եւ տիկին Նազարէթ Հաճընլեան եւ զաւակունք
Տէր եւ տիկին Համբար Հաճընլեան եւ զաւակունք
Տէր եւ տիկին Լեւոն Հաճընլեան եւ զաւակունք
Հաճընլեան եւ Գալուստեան ընտանիքներ
Հալլաճեան եւ Պօղոսեան ընտանիքներ
Մարտիրոսեան եւ Տէր Մաթէոսեան ընտանիքներ
Թեմամեան եւ Մենկիշեան ընտանիքներ
Զիլիթեան ընտանիք
եւ համայն ազգականներ կը գուժեն իրենց կնոջ, մօր, մեծ մօր, կեսրոջ եւ հարազատին`

ՎԱՐԴՈՒՀԻ ՀԱՃԸՆԼԵԱՆԻ

մահը, որ պատահեցաւ հինգշաբթի, 22 հոկտեմբեր 2015-ին, կէսօրէ առաջ ժամը 11:00-ին, յետ կարճատեւ հիւանդութեան:

Յուղարկաւորութեան եւ թաղման արարողութիւնը պիտի կատարուի այսօր` ուրբաթ, 23 հոկտեմբերին, կէսօրէ ետք ժամը 1:00-ին, Նոր Մարաշի Սրբոց Քառասնից Մանկանց եկեղեցւոյ մէջ, ուրկէ հանգուցեալին մարմինը պիտի փոխադրուի Պուրճ Համուտի Ազգային գերեզմանատունը:

Ներկայս ընդունիլ իբրեւ մահազդ:

Ցաւակցութիւնները կ՛ընդունուին յետ թաղման արարողութեան, Սրբոց Քառասնից Մանկանց եկեղեցւոյ «Յակոբ եւ Սօսի Չիլինկիրեան» սրահին մէջ, մինչեւ երեկոյեան ժամը 7:00, ինչպէս նաեւ շաբաթ, 24 հոկտեմբերին, կէսօրէ առաջ ժամը 11:00-էն մինչեւ երեկոյեան ժամը 7:00, նոյն վայրը:

—————————————————————————-

Հովանաւորութեամբ`

Ս. ՆՇԱՆ ՄԱՅՐ ԵԿԵՂԵՑՒՈՅ ԹԱՂԱԿԱՆՈՒԹԵԱՆ

Կազմակերպութեամբ`
Ս. ՆՇԱՆ ՄԱՅՐ ԵԿԵՂԵՑՒՈՅ ԴՊՐԱՑ ԴԱՍԻՆ

ՀԱՄԵՐԳ

Կատարողութեամբ`
ՀԱՄԱԶԳԱՅԻՆԻ «ԳՈՒՍԱՆ» ԵՐԳՉԱԽՈՒՄԲԻՆ

Տեղի կ՛ունենայ շաբաթ, 24 հոկտեմբեր 2015-ին, երեկոյեան ժամը 8:00-ին, Ս. Նշան Մայր եկեղեցւոյ մէջ:

—————————————————————————-

ԱՆՈՒԱՆԱԿՈՉՈՒԹԻՒՆ
Ս. ՆՇԱՆ ՄԱՅՐ ԵԿԵՂԵՑՒՈՅ

Ուրախութեամբ կը յայտնենք, որ այս տարի 25 հոկտեմբեր 2015-ին, Գիւտ խաչի կիրակի օրը մեծ հանդիսութեամբ պիտի նշուի Ս. Նշան Մայր եկեղեցւոյ անուանակոչութիւնը: Այս առիթով շաբաթ երեկոյեան տեղի պիտի ունենայ հսկում, իսկ կիրակի օր` հանդիսաւոր պատարագ եւ աւանդական մատաղի օրհնութիւն:

Պիտի պատարագէ եւ քարոզէ`

ԳԵՐՇ. Տ. ՇԱՀԷ ԵՊՍ. ՓԱՆՈՍԵԱՆ
Առաջնորդ Լիբանանի Հայոց Թեմի

Կոչ կ՛ուղղենք մեր հաւատացեալ ժողովուրդին, որ իր ներկայութեամբ ու գործօն մասնակցութեամբ վերանորոգուի եւ հաղորդուի օրուան Ս. խորհուրդով:

Ս. ՆՇԱՆ ՄԱՅՐ ԵԿԵՂԵՑՒՈՅ
ԹԱՂԱԿԱՆ ԽՈՐՀՈՒՐԴ

—————————————————————————-

Ս. ՆՇԱՆ ՄԱՅՐ ԵԿԵՂԵՑՒՈՅ
ԱՆՈՒԱՆԱԿՈՉՈՒԹԻՒՆ

Կիրակի, 25 հոկտեմբեր 2015-ին, Գիւտ Խաչի կիրակին, եկեղեցւոյս անուանակոչութեան տօնն է:

Այն հաւատացեալները, որոնք կը փափաքին ոչխար նուիրել կամ մասնակցիլ նիւթական նուէրով, թող բարի ըլլան կապ պահել թաղականութեան քարտուղարութեան հետ:

Հեռ. 01-981102/3, ամէն օր առաւօտեան ժամը 8:00-1:00:

Ս. ՆՇԱՆ ԵԿԵՂԵՑՒՈՅ ԹԱՂԱԿԱՆՈՒԹԻՒՆ

—————————————————————————-

ՕՐՈՒԱՆ ՃԱՇԸ

ՀԱՅԿԱԿԱՆ ՄՍԱՇՈՏ +
ԽՈՌՈՎԱԾ ՍՄԲՈՒԿ – ԿԱՆԱՉԵՂԷՆ
+ ՄԱԾՈՒՆ

Գին` 14.000 լիբ. ոսկի
Հեռ. 01-240214
www.badguer.com

—————————————————————————-

ՀՈԳԵՀԱՆԳԻՍՏ

Խմբագիր եւ լրագրող ՄԱՆՈՒԷԼ ԳԱԶԱՆՃԵԱՆի մահուան Դ. տարելիցին առիթով հոգեհանգստեան պաշտօն պիտի կատարուի կիրակի, 25 հոկտեմբեր 2015-ին, Էշրեֆիէի Ս. Յակոբ եկեղեցւոյ մէջ, յաւարտ Ս. պատարագի:

ՎԻԳԷՆ ԱՂԱՍԱՐԳԻՍԵԱՆի մահուան 7-րդ տարելիցին հոգեհանգստեան պաշտօն պիտի կատարուի կիրակի, 25 հոկտեմբեր 2015-ին, Անթիլիասի Ս. Գրիգոր Լուսաւորիչ Մայր տաճարին մէջ, յաւարտ Ս. պատարագի:

ԹԱԳՈՒՀԻ ԴԱՐԲԻՆԵԱՆի (ծնեալ` ԳԱԼԱՅՃԵԱՆ) մահուան քառասունքին, ինչպէս նաեւ ԳՐԻԳՈՐ ԴԱՐԲԻՆԵԱՆի եւ ԿԱՐԱՊԵՏ ՔԱՀՎԵՃԵԱՆի մահուան յիշատակին հոգեհանգստեան պաշտօն պիտի կատարուի կիրակի, 25 հոկտեմբեր 2015-ին, Նոր Սիսի Ս. Սարգիս եկեղեցւոյ մէջ, յաւարտ Ս. պատարագի:

ՅԱԿՈԲ ՍՈՒԳԻԱՍԵԱՆի մահուան քառասունքին առիթով հոգեհանգստեան պաշտօն պիտի կատարուի կիրակի, 25 հոկտեմբեր 2015-ին, Նորաշէնի Սրբոց Վարդանանց եկեղեցւոյ մէջ, յաւարտ Ս. պատարագի:

—————————————————————————-

ԼՕԽ-ի Շրջանային Վարչութեան Առողջապահական Յանձնախումբ
«Արաքսի Պուլղուրճեան» Ընկերաբժշկական Կեդրոնի
Նախազգուշական բաժանմունք

ԴԱՍԱԽՕՍԱԿԱՆ ՆՈՐ ՇԱՐՔ

Նիւթ` «Ընտանեկան Առողջութիւնը»

Սոյն դասախօսութիւնները տեղի կ՛ունենան չորեքշաբթի օրերը, առաւօտեան ժամը 10:00-ին, ԼՕԽ-ի «Արաքսի Պուլղուրճեան» Ընկերաբժշկական կեդրոնի «Թնճուկեան» սրահին մէջ, 4-րդ յարկ:

Շարքին երրորդ դասախօսութիւնը տեղի պիտի ունենայ չորեքշաբթի, 28 հոկտեմբեր 2015-ին

Նիւթ`

«ԸՆՏԱՆԻՔԻ ՍՆՈՒՆԴԸ»

Դասախօս
ՄԱՐԻԱ ՏԱԳԷՍԵԱՆ
(Սննդագէտ)

—————————————————————————-

ՊԱՇՏՕՆԵԱՅԻ ԿԱՐԻՔ

Համազգային հայ կրթական եւ մշակութային միութիւնը կարիքը ունի ծրագրաւորումի օգնական պատասխանատուի (ասիսթընթ փրոճեքթ մենէյճըր) մը` մշակութային առցանց ծրագիրի մը համար, որուն նպատակն է արուեստի, մշակոյթի եւ իրագործումներու ճամբով կապ ստեղծել հայերու միջեւ:

Պաշտօնեան պիտի աշխատի կիսաժամ դրութեամբ: Անոր պատասխանատուութեան եւ պարտականութեան ծիրը կ՛ընդգրկէ խմբագրական, վարչական եւ ուսումնասիրական աշխատանքներ, ինչպէս նաեւ համացանցի վրայ ընկերային հաղորդակցութեան ցանցերու (սոշըլ միտիա) կանոնաւոր հսկողութիւն` նախապէս ճշդուած ժամանակացոյցով:

Թեկնածուները պարտին ունենալ պսակաւոր արուեստից վկայական` արուեստներու, լրագրութեան, գրականութեան, անգլերէն լեզուի կամ հաղորդակցութեան մարզերուն մէջ: Անոնք պէտք է ծանօթ ըլլան հայ մշակոյթին եւ վարժ` համացանցի վրայ ընկերային հաղորդակցութեան ցանցերու գործածութեան: Անգլերէնին գերազանց տիրապետումը, հայերէնի գիտութիւնը, խմբագրելու եւ գրելու կարողութիւնները անհրաժեշտ են:

Հետաքրքրուողները կրնան իրենց ինքնակենսագրութիւնը (Սի. Վի.) ուղարկել հետեւեալ հասցէին.

Central@Hamazkayin.com

ՀԱՄԱԶԳԱՅԻՆ ՀԱՅ ԿՐԹԱԿԱՆ ԵՒ ՄՇԱԿՈՒԹԱՅԻՆ ՄԻՈՒԹԵԱՆ
ԿԵԴՐՈՆԱԿԱՆ ՎԱՐՉՈՒԹԻՒՆ

—————————————————————————-

Հայ Աւետարանական քոլեճի Տիկնանց
Ընկերային Յանձնախումբը կազմակերպած է

ՊՏՈՅՏ ԴԷՊԻ ԼԻԲԱՆԱՆԻ ՏԵՍԱՐԺԱՆ ՎԱՅՐԵՐԸ

Պտոյտը տեղի պիտի ունենայ շաբաթ, 7 նոյեմբեր 2015-ին:

Մասնակիցները պիտի այցելեն հետեւեալ վայրերը.

1) Սայիտէթ Նուրիէ, 2) Մար Մթանիոս, 3) Միզիարա, 4) Ճաշարան «Պուհայրաթ Պնըշիի»` Զղարթա:

Սակ` 20.000 լ. ո. (իւրաքանչիւր անձի), ներառեալ` նախաճաշ:

Մանրամասնութեանց եւ տեղեր ապահովելու համար կրնաք հեռաձայնել Մարալ Մխսեանին` 03/968039, կամ Լիլա Արթինեանին` 76/982066, առաւելագոյնը մինչեւ երեքշաբթի, 3 նոյեմբեր 2015:

—————————————————————————-

Կ՛ՈՒԶՈՒԻ

Հաստատութիւն մը կարիքը ունի հաշուապահի: Փափաքողները իրենց «Սի. Վի.»-ն կրնան ներկայացնել հետեւեալ հասցէին կամ խօսիլ անձնապէս:

E mail: aessa68@gmail.com

kachecho@hotmail.com

Tel. 03-704264 – 03-322236

—————————————————————————-

Կ՛ՈՒԶՈՒԻ

JAVA հաստատութիւնը` Սին Էլ Ֆիլ, կարիքը ունի գործաւորներու` իր աշխատանոցին մէջ: Տարիք` 20-էն 30-ի միջեւ: Անձամբ ներկայանալ կամ հեռ. 01-502329 եւ 01-480102 թիւերուն:

—————————————————————————-

Կ՛ՈՒԶՈՒԻ

Պէյրութի մէջ ֆրանսական ճաշարան մը կարիքը ունի պաշտօնեաներու` հետեւեալ պաշտօններուն համար. Waiter, Runner, Barista: Հետաքրքրուողները կրնան հեռաձայնել 01-985207 թիւին «Սի. Վի.»-ն ղրկել E-Mail: recruitmentbc2015@gmail.com

—————————————————————————-

ԾԱԽՈՒ ՅԱՐԿԱԲԱԺԻՆ

Պոլոնիայի մէջ, 65 քառ. մեթր, 2-րդ յարկ, սակ` 85000$: Հեռ. 03-863481:

—————————————————————————-

ԾԱԽՈՒ ՅԱՐԿԱԲԱԺԻՆ

Ժտէյտէի շրջան, 3 ննջասենեակ, 170 քառ. մեթր, 2-րդ յարկ: Հեռ. 03-300081:

—————————————————————————-

 ԾԱԽՈՒ ՅԱՐԿԱԲԱԺԻՆ

Անթիլիաս, «Սիմիթեան» շէնքեր, Պլոք Անի, 200 քառ. մեթր, 3 ննջասենեակ: Հեռ. 71-123316:

—————————————————————————-

ԳՐԱՒՈՒԱԾ ՕՐ

ՀՅԴ «Ս. ԹԵՀԼԻՐԵԱՆ» ԿՈՄԻՏԷ

ՃԱՇԿԵՐՈՅԹ ՊԱՐԱՀԱՆԴԷՍ

7 ՆՈՅԵՄԲԵՐ 2015

—————————————————————————-

ԳՐԱՒՈՒԱԾ ՕՐ

ՔԱՀԼ-Ի

ՀԱՅ ՏԱՐԵՑՆԵՐՈՒ ՏԱՆ

ՏԻԿՆԱՆՑ ՕԺԱՆԴԱԿ ՅԱՆՁՆԱԽՈՒՄԲ

26 ԵՒ 27 ՆՈՅԵՄԲԵՐ 2015

—————————————————————————-

ԳՐԱՒՈՒԱԾ ՕՐ

ՀՅԴ ԼԵՄ-Ի ԿԵԴՐՈՆԱԿԱՆ
ՎԱՐՉՈՒԹԻՒՆ

ՇԱԲԱԹ, 19 ԴԵԿՏԵՄԲԵՐ 2015