ԻՆՔՆՈՒԹԵԱՆ ԱՄՐԱՊՆԴՄԱՆ ՖՈՆՏ
ՀԱՅ ՈՒՍԱՆՈՂԻ ՖՈՆՏ
ՀԱՂՈՐԴԱԳՐՈՒԹԻՒՆ
ՀՅ Դաշնակցութեան Լիբանանի Կեդրոնական կոմիտէին կողմէ հաստատուած Ինքնութեան ամրապնդման ֆոնտին ծիրին մէջ,
Հայ ուսանողի ֆոնտը ուրախ է յայտարարելու, որ 2017-2018 տարեշրջանին դիմումնագիրները պիտի տրամադրուին չորեքշաբթի, 16 օգոստոս 2017-էն սկսեալ, ամէն օր կէսօրէ ետք ժամը 3:00-էն 5:00, Երեսփոխանական գրասենեակէն, Պուրճ Համուտ, «Շաղզոյեան» կեդրոն:
– Թեկնածուները պէտք է շրջանաւարտ ըլլան հայկական վարժարաններէն եւ յաճախեն Լիբանանի մէջ գործող համալսարաններ:
Ֆոնտէն կրնան օգտուիլ բոլոր տարիներու ուսանողները, ներառեալ առաջին տարուան ուսանողներ:
Իւրաքանչիւր ընտանիքէն կրնայ դիմել մէկ ուսանող:
Դիմումնագիրները պէտք է վերադարձուին մինչեւ 30 սեպտեմբեր 2017, կցուած` համապատասխան փաստաթուղթերով:
Յաւելեալ մանրամասնութեանց համար հեռաձայնել Երեսփոխանական գրասենեակ, 01-259881 թիւին:
ՀԱՅ ՈՒՍԱՆՈՂԻ ՖՈՆՏ
—————————————————————–
Ս. ԱՍՏՈՒԱԾԱԾՆԱՅ ՎԵՐԱՓՈԽՄԱՆ ՏՕՆԻՆ ԱՌԻԹՈՎ`
ԱՂՕԹՔԻ ՇԱԲԱԹ|ՍՈՒՐԲ ԱՍՏՈՒԱԾԱԾԻՆ ՎԱՆՔ
ՊԻՔՖԱՅԱ
7-11 ՕԳՈՍՏՈՍ 2017
Հովանաւորութեամբ ՆՍՕՏՏ Արամ Ա. վեհափառ եւ սրբազնագոյն հայրապետին ու կազմակերպութեամբ կաթողիկոսարանիս Քրիստոնէական դաստիարակութեան բաժանմունքին, 7-11 օգոստոս 2017-ին, ամէն առաւօտ ժամը 10:00-ին, Պիքֆայայի Ս. Աստուածածին մատրան մէջ, Ս. Աստուածածնայ վերափոխման տօնին առիթով տեղի պիտի ունենայ յատուկ արարողութիւն` նուիրուած միշտ Սուրբ Կոյս Աստուածածին Մարիամին:
Կը հրաւիրենք մեր ժողովուրդի բոլոր զաւակները` մասնակից դառնալու հոգեպարար սոյն աղօթքներուն եւ խորհրդածական պահերուն, լեցուելու Հայ եկեղեցւոյ կրօնական ապրումներով եւ Ս. Աստուածամօր մայրութեան նուիրական օրինակով:
Երկուշաբթի, 7 օգոստոս 2017
Նիւթ` «Կիլիկեան Հայաստանի վանքերը»,
Կը ներկայացնէ` Հոգշ. Տ. Վիգէն վրդ. Տալգլըճեան
Երեքշաբթի, 8 օգոստոս 2017
Նիւթ` «Կիլիկեան Հայաստանի ուխտավայրերը»
Կը ներկայացնէ` Հոգշ. Տ. Թաթուլ աբղյ. Գարտանաքեան
Չորեքշաբթի, 9 օգոստոս 2017
Նիւթ` «Պատմական Հայաստանի ուխտատեղիները»
Կը ներկայացնէ` Հոգշ. Տ. Հեթում աբղյ. Տաղլեան
Հինգշաբթի, 10 օգոստոս 2017
Նիւթ` «Սուրբ Մակարայ վանքը» (Կիպրոս)
Կը ներկայացնէ` Հոգշ. Տ. Արտաւազդ աբղյ. Շարոյեան
Ուրբաթ, 11 օգոստոս 2017
Նիւթ` «Ուխտի հասկացողութիւնը Հայ եկեղեցւոյ մէջ»
Կը ներկայացնէ` Հոգշ. Տ. Պսակ աբղյ. Թեփիրճեան
* * *
ԾԱՆՕԹ.-
Մասնակցիլ փափաքողներուն համար փոխադրակառքեր տրամադրուած պիտի ըլլան ամէն օր, առաւօտեան ժամը 8:30-ին, Ս. Աստուածածին եւ Սրբոց Վարդանանց եկեղեցիներու մուտքին, տպարան Տօնիկեանի մօտ, Տորայի մայրուղիին վրայ գտնուող «Մերսետես» ընկերութեան մօտ եւ Անթիլիասի մայրավանքին դիմաց:
Ս. ԱՍՏՈՒԱԾԱԾՆԱՅ ՎԵՐԱՓՈԽՄԱՆ ՏՕՆԻՆ ԱՌԻԹՈՎ`
ՈՒԽՏԻ ՊԱՏԱՐԱԳ 7-10 ՕԳՈՍՏՈՍ
Ս. Աստուածածնայ վերափոխման եւ Պիքֆայայի Ս. Աստուածածին վանքի ուխտի շաբթուան առիթով, 7-10 օգոստոս 2017-ին, ամէն երեկոյ ժամը 8:00-ին պիտի մատուցուի սուրբ եւ անմահ պատարագ:
Երկուշաբթի, 7 օգոստոս 2017
Պիտի պատարագէ` Հոգշ. Տ. Աշոտ աբղյ. Խաչատուրեան
Երեքշաբթի, 8 օգոստոս 2017
Պիտի պատարագէ` Հոգշ. Տ. Հեթում աբղյ. Տաղլեան
Չորեքշաբթի, 9 օգոստոս 2017
Պիտի պատարագէ` Հոգշ. Տ. Օշին աբղյ. Չուալերթանեան
Հինգշաբթի, 10 օգոստոս 2017
Պիտի պատարագէ` Հոգշ. Տ. Լեւոն աբղյ. Եղիայեան
…
ՈՒՐԲԱԹ, 11 ՕԳՈՍՏՈՍ 2017
Ս. Աստուածածնայ վերափոխման եւ Պիքֆայայի Ս. Աստուածածին վանքի ուխտի շաբթուան առիթով, ուրբաթ, 11 օգոստոս 2017-ին`
– Կէսօրէ առաջ ժամը 11:00-ին պիտի կատարուի ԱՂՕՐՀՆԷՔ` ի պատրաստութիւն մատաղի:
– Ոչխարներու զենում` կէսօրուան ժամը 1:00-ին:
– Երեկոյեան ժամերգութիւն` երեկոյեան ժամը 5:00-ին:
– Հսկում` երեկոյեան ժամը 7:30-ին:
…
ՈՒԽՏԱԳՆԱՑՈՒԹԻՒՆ
ԴԷՊԻ ՍՈՒՐԲ ԱՍՏՈՒԱԾԱԾԻՆ ՎԱՆՔ
Այսու մեր ժողովուրդի բոլոր զաւակներուն կ՛ուզենք յայտարարել, որ Ս. Աստուածածնայ վերափոխման տօնին եւ Ս. Աստուածածին վանքի հիմնադրութեան 65-ամեակին առիթով, օրհնութեամբը Սուրբ Աթոռոյս գահակալ ՆՍՕՏՏ Արամ Ա. վեհափառ եւ սրբազնագոյն կաթողիկոսին, ուրբաթ, 11 օգոստոս 2017-ին, տեղի պիտի ունենայ ուխտերթութիւն մը, կաթողիկոսարանի Ս. Գրիգոր Լուսաւորիչ մայր տաճարէն դէպի Պիքֆայայի Ս. Աստուածածին վանք:
Սոյն ուխտերթութեան նպատակն է` Աստուածամայր Մարիամի բարեխօսութեամբ խաղաղութիւն, իմաստութիւն եւ երկնառաք օրհնութիւն հայցել ամբողջ աշխարհին, եկեղեցիներուն, աշխարհի ղեկավարներուն, Հայաստանի եւ Արցախի Հանրապետութեանց, մեր բանակին, մեր ժողովուրդին եւ մանաւանդ մեր զաւակներուն համար:
Ուխտերթութիւնը պիտի սկսի երեկոյեան ժամը 6:00-ին` մասնակցութեամբ միաբան հայրերու, Լիբանանի հայոց թեմի քահանայից դասուն, սարկաւագներուն եւ դպիրներուն:
Ձեր մասնակցութեամբ եւ աղօթակցութեամբ, Աստուածամայր Մարիամի բարեխօսութեամբ եւ մեր կեանքերը Քրիստոսով այլակերպելու վճռակամութեամբ ու փափաքով, բարձրանանք այն լեռը, ուր պիտի հանգչի մեր սիրտն ու հոգին:
Ուխտերթութեան աւարտին, իրիկուան շուրջ ժամը 11:00-ին, հանդիսապետութեամբ ՆՍՕՏՏ Արամ Ա. վեհափառ եւ սրբազնագոյն կաթողիկոսին, տեղի պիտի ունենայ հանդիսաւոր «Անդաստան», ապա վեհափառ հայրապետը պիտի ուղղէ հայրապետական իր պատգամը, որմէ ետք բոլոր ներկաները պիտի ստանան վեհափառ հայրապետին օրհնութիւնը:
Աւարտին` հիւրասիրութիւն:
…
ՇԱԲԱԹ, 12 ՕԳՈՍՏՈՍ 2017
– Առաւօտեան Ժամերգութիւն` առաւօտեան ժամը 7:00-ին:
– Երեկոյեան Ժամերգութիւն` երեկոյեան ժամը 5:00-ին:
– Հանդիսաւոր սուրբ եւ անմահ պատարագ` երեկոյեան ժամը 8:00-ին:
Պիտի պատարագէ`
ԳԵՐՇ. Տ. ՄԵՂՐԻԿ ԵՊՍ. ԲԱՐԻՔԵԱՆ
Ս. պատարագին երգեցողութիւնը պիտի կատարէ`
կաթողիկոսարանի «ՇՆՈՐՀԱԼԻ» երգչախումբը,
ղեկավարութեամբ`
Հոգշ. Տ. Զաւէն աբղյ. Նաճարեանի
Արարողութեանց պիտի նախագահէ եւ ժողովուրդին հայրապետական իր պատգամը պիտի ուղղէ`
ՆՍՕՏՏ ԱՐԱՄ Ա. ԿԱԹՈՂԻԿՈՍ
Յաւարտ սուրբ եւ անմահ պատարագին, տեղի պիտի ունենայ
ԽԱՂՈՂի եւ ՄԱՏԱՂի օրհնութիւն:
…
ԿԻՐԱԿԻ, 13 ՕԳՈՍՏՈՍ 2017
Անթիլիասի Ս. Գրիգոր Լուսաւորիչ մայր տաճարին մէջ պիտի մատուցուի սուրբ եւ անմահ պատարագ:
Պիտի պատարագէ եւ քարոզէ`
ԳԵՐՇ. Տ. ԳԵՂԱՄ ԱՐՔ. ԽԱՉԵՐԵԱՆ
Առաջնորդ Յունաստանի Հայոց
Յաւարտ սուրբ եւ անմահ պատարագին, տեղի պիտի ունենայ
ԽԱՂՈՂի օրհնութիւն:
…
ԵՐԿՈՒՇԱԲԹԻ, 14 ՕԳՈՍՏՈՍ 2017
ՄԵՌԵԼՈՑ
Պիքֆայայի Սուրբ Աստուածածին մատրան մէջ պիտի մատուցուի սուրբ եւ անմահ պատարագ եւ հոգեհանգիստ, ազգիս համօրէն ննջեցելոց հոգիներուն ի հանգիստ:
Յաւարտ սուրբ եւ անմահ պատարագի` նախագահութեամբ ՆՍՕՏՏ ԱՐԱՄ Ա. վեհափառ հայրապետին, տեղի պիտի ունենայ սիրոյ սեղան` մասնակցութեամբ միաբանութեան, կաթողիկոսարանի տիկնանց յանձնախումբին, բանկալին եւ դպրեվանքի սարկաւագներուն:
…
ՈՒՇԱԴՐՈՒԹԻՒՆ
Անոնք, որոնք կը փափաքին մատաղցու ոչխար, խաղող կամ փոխան մատաղի կամ խաղողի նուիրատուութիւն կատարել ուխտի օրուան առիթով, պէտք է ամէնէն ուշը մինչեւ ուրբաթ, 11 օգոստոս 2017-ի կէսօր, իրենց նուէրները յանձնեն Անթիլիասի մայրավանքը կամ Պիքֆայայի Ս. Աստուածածին վանքը:
Հեռաձայն.-
Անթիլիաս` 04 410 001/3, 04 523 461/2
Պիքֆայա` 04 983 634/5
—————————————————————–
Լիբանանի Գործարանատէրերու ընկերակցութիւնը Ձեզ կը հրաւիրէ
ՀԱՆԴԻՊՈՒՄ-ԶՐՈՅՑԻ
Զեկուցաբեր` ՆԱԶԱՐԷԹ ՍԱՊՈՒՆՃԵԱՆ
Նիւթ`
– Ճարտարարուեստի մարզի զարգացման նպաստող կառավարական նոր օրէնքները
– Դրամատնային բացառիկ վարկեր եւ դիւրութիւններ
– Արտադրութիւնը եւ մանաւանդ արտածումը քաջալերող նիւթական յատկացումներ
Տեղի կ՛ունենայ չորեքշաբթի, 9 օգոստոս 2017-ին, երեկոյեան ժամը 7:30-ին, «Ազդակ»-ի «Փիւնիկ» սրահին մէջ, «Շաղզոյեան» կեդրոն, Պուրճ Համուտ:
—————————————————————–
ԾԱԽՈՒ ՀՈՂԱՇԵՐՏ
Պոլոնիայի շրջան, Պոլոնիա-Մրուժ մայր ճամբէն
50 մեթր ներս, 1550 քառ. մեթր, շինութեան իրաւունք
25/60 Լեռնային տեսարան: Դիմել` հեռ. 03-134891:
—————————————————————–
ՎԱՐՁՈՒ ՅԱՐԿԱԲԱԺԻՆ
Մզհերի շրջան, 145 քառ. մեթր, կահաւորուած, 3-րդ յարկ + վերելակ + կառատուն, գեղատեսիլ դիրք: Հեռ. 03-136187: