Այսօր «Վանայ Ձայն»-էն
Մուսա լերան հերոսամարտի 102-ամեակի տօնակատարութիւններուն առիթով հարցազրոյց` Այնճարի քաղաքապետ Վարդգէս Խօշեանի եւ Այնճարի փառատօնի յանձնախումբի ատենապետ Ճորճ Փուչիկեանի հետ:
Չորեքշաբթի, 13 սեպտեմբեր 2017-ին, կէսօրուան ժամը 12:00-ին:
—————————————-
ՄԱՀԱԶԴ
Տէր եւ տիկին Պետրոս եւ Հուրիկ Վանլեան
Տէր եւ տիկին Ալեք եւ Գալին Եաւերեան եւ զաւակները` Ալեքսանտր, Էսթելա եւ Քրիսթիան
Տէր եւ տիկին Արմէն եւ Սարին Վանլեան եւ զաւակները` Լէա եւ Էնտրու
Տիար Աբրահամ Վանլեան եւ զաւակունք
Տէր եւ տիկին հիւպատոս Արա Վանլեան եւ զաւակունք
Հանգուցեալ Եղիս Սեմերճեանի ընտանիք
Հանգուցեալ Յասմիկ Այվազեանի ընտանիք
Վանլեան եւ Եաւերեան ընտանիքներ
Պալեան եւ Քըվըրեան ընտանիքներ
Շագլեան եւ Ադամեան ընտանիքներ
Ճիզմեճեան եւ Սեմէրճեան ընտանիքներ
Այվազեան եւ Արսլանեան ընտանիքներ
Մարթայեան եւ Մինոյեան ընտանիքներ
Տիլանեան ընտանիք
եւ համայն ազգականներ կը գուժեն իրենց զաւկին, եղբօր, հօրեղբօր, մօրեղբօր եւ հարազատին`
ՎԻԳԷՆ ՊԵՏՐՈՍ ՎԱՆԼԵԱՆԻ
մահը, որ պատահեցաւ երկուշաբթի, 11 սեպտեմբեր 2017-ին:
Յուղարկաւորութեան արարողութիւնը կատարուեցաւ երեքշաբթի, 12 սեպտեմբերին, կէսօրէ ետք ժամը 1:00-ին, Անթիլիասի Ս. Գրիգոր Լուսաւորիչ մայր տաճարին մէջ, ուրկէ հանգուցեալին փոխադրուեցաւ Պուրճ Համուտի Ազգային գերեզմանատունը:
Ներկայս ընդունիլ իբրեւ մահազդ:
Ցաւակցութիւնները կ՛ընդունուին ՀԲԸՄ-ի «Տեմիրճեան» կեդրոնի երկրորդ յարկի սրահին մէջ, չորեքշաբթի, 13 եւ հինգշաբթի, 14 սեպտեմբերին, կէսօրէ առաջ ժամը 11:00-էն մինչեւ երեկոյեան ժամը 8:00:
ԾԱՆՕԹ.- Փոխան ծաղկեպսակի` նուիրատուութիւնները կատարել ՀԲԸՄ-ի «Վիգէն Վանլեան» ուսանողական ֆոնտին:
—————————————-
Հինգշաբթի «Վանայ Ձայն»-էն
Համա-ՀՄԸՄ-ական 10-րդ մարզախաղերու առիթով հարցազրոյց` ՀՄԸՄ-ի Կեդրոնական վարչութեան ատենապետ Գառնիկ Մկրտիչեանի եւ Կեդրոնական վարչութեան անդամ Իշխան Եղիայեանի հետ:
Հինգշաբթի, 14 սեպտեմբեր 2017-ին, կէսօրէ առաջ ժամը 11:00-ին:
—————————————-
«Վանայ Ձայն»-Էն Ունկնդրեցէ՛ք
«Տարեդարձներ» յայտագիրը ամէն չորեքշաբթի, կէսօրէ առաջ ժամը 11:00-ին:
Ծննդեան եւ մահուան ամեակներու նշումով կը ներկայացնենք ազգային գործիչներու, արուեստագէտներու եւ կուսակցական դէմքերու մասին վկայութիւններ, կենսագրական գիծեր եւ ընթերցումներ:
2-րդ յայտագիրը նուիրուած է Հրաչ Փափազեանի ծննդեան 125-ամեակին
«Տարեդարձներ» յայտագիրը կը պատրաստէ եւ կը ներկայացնէ ՀՈՒՐԻ ՓԱՓԱԶԵԱՆ-ԷՄՄԻԵԱՆ:
—————————————-
ԻՆՔՆՈՒԹԵԱՆ ԱՄՐԱՊՆԴՄԱՆ ՖՈՆՏ
ՀԱՅ ՈՒՍԱՆՈՂԻ ՖՈՆՏ
ՀԱՂՈՐԴԱԳՐՈՒԹԻՒՆ
ՀՅ Դաշնակցութեան Լիբանանի Կեդրոնական կոմիտէին կողմէ հաստատուած Ինքնութեան ամրապնդման ֆոնտին ծիրին մէջ,
Հայ ուսանողի ֆոնտը ուրախ է յայտարարելու, որ 2017-2018 տարեշրջանին դիմումնագիրները պիտի տրամադրուին չորեքշաբթի, 16 օգոստոս 2017-էն սկսեալ, ամէն օր կէսօրէ ետք ժամը 3:00-էն 5:00, Երեսփոխանական գրասենեակէն, Պուրճ Համուտ, «Շաղզոյեան» կեդրոն:
– Թեկնածուները պէտք է շրջանաւարտ ըլլան հայկական վարժարաններէն եւ յաճախեն Լիբանանի մէջ գործող համալսարաններ:
Ֆոնտէն կրնան օգտուիլ բոլոր տարիներու ուսանողները, ներառեալ առաջին տարուան ուսանողներ:
Իւրաքանչիւր ընտանիքէն կրնայ դիմել մէկ ուսանող:
Դիմումնագիրները պէտք է վերադարձուին մինչեւ 30 սեպտեմբեր 2017, կցուած` համապատասխան փաստաթուղթերով:
Յաւելեալ մանրամասնութեանց համար հեռաձայնել Երեսփոխանական գրասենեակ, 01-259881 թիւին:
ՀԱՅ ՈՒՍԱՆՈՂԻ ՖՈՆՏ
—————————————-
Մուսալերան Հերոսամարտի
102-Ամեակի
Ձեռնարկներու Շաբաթ
Հինգշաբթի, 14 Սեպտեմբեր, 2017
«Ռուբէն Նաքեան» գեղարուեստի ակադեմիայի բացում` կազմակերպութեամբ Համազգայինի «Պարոյր Սեւակ» մասնաճիւղի
Երեկոյեան ժամը 6:00-ին, «Ռուբէն Նաքեան» ակադեմիայի շրջափակին մէջ:
Ուրբաթ, 15 Սեպտեմբեր 2017
Տօնավաճառի բացում` կազմակերպութեամբ Այնճարի փառատօնի վարչութեան
Երեկոյեան ժամը 6:00-ին, քաղաքապետարանի շրջափակին մէջ:
Աւանդական տոհմիկ երեկոյ կազմակերպութեամբ` ԼՕԽ-ի «Աղթամար» մասնաճիւղին երեկոյեան ժամը 8:00-էն սկսեալ, «Սարգիս Զէյթլեան» ժողովրդային տան շրջափակին մէջ:
Շաբաթ, 16 Սեպտեմբեր, 2017
Ժողովրդային տօնախմբութիւն պատգամախօս` ՅԱԿՈԲ ՀԱՆՏԵԱՆ
Գեղարուեստական յայտագիր, մասնակցութեամբ` հայրենասիրական եւ ժողովրդական երգերու մեկնաբան, հայրենի երգիչ ՍԵՒԱԿ ԱՄՐՈՅԵԱՆի
Աշուղական երգերու մեկնաբան ԳԱՐՄԷՆ ԱՃԷՄԵԱՆի
Համազգայինի «Քնար» պարախումբին եւ տհոլահարներու համոյթին Մուսալերան աւանդական թմբուկ-զուռնային
Միաժամանակ տեղի պիտի ունենայ նաեւ մատաղի պատրաստութիւն, կազմակերպութեամբ` Ս. Պօղոս եկեղեցւոյ թաղական խորհուրդին
Երեկոյեան ժամը 9:00-ին, Մուսալերան յուշարձան համալիրին շրջափակին մէջ:
Կիրակի, 17 Սեպտեմբեր 2017-Ի Առաւօտեան
Սուրբ եւ անմահ պատարագ եւ մատաղի օրհնութիւն, հանդիսապետութեամբ` Լիբանանի հայոց թեմի առաջնորդ գերշ. Տ. Շահէ եպս. Փանոսեանի:
ՀՅԴ «ԿԱՐՄԻՐ ԼԵՌ» ԿՈՄԻՏԷԻ
ՔԱՐՈԶՉԱԿԱՆ ՅԱՆՁՆԱԽՈՒՄԲ
—————————————-
ԱՖՀԻԼ
Յայտարարութիւն
ԱՖՀԻԼ իրերօգնութեան սնտուկը, ինչպէս ամէն տարի, այս տարի եւս 2017-2018 կրթական տարեշրջանին համար իր տարեկան հասոյթէն բաժին մը պիտի յատկացնէ հայ համալսարանականներու:
Դիմումնագիրները կրնան ստանալ ԱՖՀԻԼ-ի գրասենեակէն կամ ուղղակի ԱՖՀԻԼ-ի կայքէն` www.afhil.com, university fund application բաժանմունքէն:
Մինչեւ 25 հոկտեմբեր 2017 դիմումնագիրները իրենց ամբողջական թղթածրարով պէտք է ներկայացուին ԱՖՀԻԼ:
Առաջին տարուան ուսանողները կրնան դիմել:
Ֆոնտէն յաջորդական երկու տարիներ օգտուողները չեն կրնար օգտուիլ:
ԱՖՀԻԼ-ի անդամները բնականաբար կ՛օգտուին յատուկ դիմումնագիր մը լեցնելով:
Մանրամասնութեանց համար կապուիլ ԱՖՀԻԼ-ի գրասենեակ, հեռ. 01/242556-57:
ԱՖՀԻԼ
ՀԱՅ ՀԱՄԱԼՍԱՐԱՆԱԿԱՆՆԵՐՈՒ ՖՈՆՏ
—————————————-
ՎԱՐՁՈՒ Է
Ոսկերչատուն մը, Պուրճ Համուտի մէջ, 150 քառ. մեթր, Ա. յարկ: Դիմել` հեռ. 03-360542:
—————————————-