Յայտարարութիւններ (24 Մայիս 2018)

ՄԱՀԱԶԴ

Տիկին Հելեն Չավտարեան-Դարբինեան
Տէր եւ տիկին Սարօ եւ Փասքալ Դարբինեան եւ զաւակունք
Օրիորդ Սարինէ Դարբինեան
Դարբինեան եւ Չավտարեան ընտանիքներ
Հիթի եւ Քէօշկերեան ընտանիքներ
Մանուկեան, Ատալեան եւ Օհանեան ընտանիքներ
եւ համայն ազգականներ կը գուժեն իրենց ամուսնոյն, հօր, մեծ հօր եւ հարազատին`

ՎԱԶԳԷՆ ԳԷՈՐԳ ԴԱՐԲԻՆԵԱՆԻ

մահը, որ պատահեցաւ չորեքշաբթի, 23 մայիս 2018-ին:

Յուղարկաւորութեան արարողութիւնը պիտի կատարուի ուրբաթ, 25 մայիսին, կէսօրէ ետք ժամը 1:00-ին, Էշրեֆիէի Ս. Յակոբ եկեղեցւոյ մէջ, ուրկէ հանգուցեալին մարմինը պիտի փոխադրուի Պուրճ Համուտի Ազգային գերեզմանատունը:

Ներկայս ընդունիլ իբրեւ մահազդ:

Ցաւակցութիւնները կ՛ընդունուին յետ թաղման արարողութեան, մինչեւ երեկոյեան ժամը 7:00, Ս. Յակոբ եկեղեցւոյ «Տիրան Պապիկեան» սրահին մէջ, իսկ շաբաթ, 26 մայիսին, կէսօրէ ետք ժամը 3:00-էն մինչեւ երեկոյեան ժամը 7:00, նոյն վայրին մէջ:

ԾԱՆՕԹ.- Փոխան ծաղկեպսակի նուիրատուութիւնները կատարել ԼՕԽ-ի «Աստղիկ» մասնաճիւղին:

—————————————

ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ 100-ԱՄԵԱԿ

ՀԱՄԵՐԳ`
ԴՊՐԵՎԱՆՔԻ «ԱՐՄԱՇ» ԵՐԳՉԱԽՈՒՄԲԻՆ

ԿԻՐԱԿԻ, 27 ՄԱՅԻՍ 2018-Ի ԵՐԵԿՈՅԵԱՆ ԺԱՄԸ 7:30-ԻՆ, ԱՆԹԻԼԻԱՍԻ ՄԱՅՐԱՎԱՆՔԻ ԱՆԿԱԽՈՒԹԵԱՆ ՅՈՒՇԱԿՈԹՈՂԻՆ ԱՌՋԵՒ:

—————————————

ՆՍՕՏՏ ԱՐԱՄ Ա. ԿԱԹՈՂԻԿՈՍԻ
ՁԵՌՆԱԴՐՈՒԹԵԱՆ 50-ԱՄԵԱԿ

ՀԱՄԵՐԳ ԼԻԲԱՆԱՆԻ ՖԻԼՀԱՐՄՈՆԻՔ ՆՈՒԱԳԱԽՈՒՄԲԻՆ

Խմբավար` ՅԱՐՈՒԹ ՖԱԶԼԵԱՆ

Սոփրանօ` ՅԱՍՄԻԿ ՊԱՊԵԱՆ

Շաբաթ, 9 յունիս 2018, երեկոյեան ժամը 19:30-ին, Ս. Աստուածածին վանք, Պիքֆայա:

—————————————

ԳՈՀԱԲԱՆԱԿԱՆ ՄԱՂԹԱՆՔ
ՀԱՅԱՍՏԱՆԻ Ա. ՀԱՆՐԱՊԵՏՈՒԹԵԱՆ
100-ԱՄԵԱԿԻՆ ԱՌԻԹՈՎ

Ի գիտութիւն մեր հաւատացեալ ժողովուրդին այսու կու գանք տեղեկացնելու, որ Հայաստանի Ա. Հանրապետութեան 100-ամեակին առիթով, կիրակի, 27 մայիս 2018-ին, յընթացս Ս. պատարագի, Լիբանանի հայոց թեմի բոլոր եկեղեցիներուն մէջ պիտի մատուցուի մասնաւոր Գոհաբանական մաղթանք:

Իւրայատուկ այս առիթով կը հրաւիրենք մեր ժողովուրդի զաւակները ներկայ գտնուելու հոգեպարար արարողութեան եւ աղօթելու Հայաստանի Հանրապետութեան անսասանութեան համար:

ԼԻԲԱՆԱՆԻ ՀԱՅՈՑ ԹԵՄԻ
ԿՐՕՆԱԿԱՆ ԺՈՂՈՎ

—————————————

ՍՐԲՈՑ ՀՌԻՓՍԻՄԵԱՆՑ ԿՈՅՍԵՐՈՒ ՏՕՆԻՆ ԱՌԻԹՈՎ
ՀԱՆԴԻՍԱՒՈՐ Ս. ՊԱՏԱՐԱԳ ԵՒ ՋՐՕՐՀՆԷՔ

Ի գիտութիւն մեր հաւատացեալ ժողովուրդին կու գանք յայտարարելու, թէ երկուշաբթի, 28 մայիս 2018-ին, կը զուգադիպի Սրբոց Հռիփսիմեանց կոյսերու տօնը:

Այս առիթով Ս. եւ անմահ պատարագ պիտի մատուցուի եւ ապա Սրբոց Հռիփսիմեանց կոյսերու մասունքով ջրօրհնէք պիտի կատարուի Ս. Աստուածածնայ եկեղեցւոյ մէջ:

Արարողութեան պիտի նախագահէ եւ իր պատգամը փոխանցէ`

ԳԵՐՇ. Տ. ՇԱՀԷ ԵՊՍ. ՓԱՆՈՍԵԱՆ
ԱՌԱՋՆՈՐԴ ԼԻԲԱՆԱՆԻ ՀԱՅՈՑ ԹԵՄԻՆ

Կը հրաւիրենք հաւատացեալ ժողովուրդը ներկայ գտնուելու Ս. պատարագին` ստանալու համար կոյսերու մասունքներուն օրհնութիւնը եւ հաղորդուելու օրուան խորհուրդով:

ԼԻԲԱՆԱՆԻ ԹԵՄԻ
ԿՐՕՆԱԿԱՆ ԺՈՂՈՎ

—————————————

ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ 100-ԱՄԵԱԿԻ ՆՇՈՒՄ
ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ

ՆԱԽԱԳԱՀՈՒԹԵԱՄԲ`
ՆՍՕՏՏ ԱՐԱՄ Ա. ԿԱԹՈՂԻԿՈՍԻ

Կիրակի, 27 մայիս 2018

Սուրբ եւ անմահ պատարագ, պատարագիչ`

Կոչ կ՛ուղղենք մեր ժողովուրդի սիրելի զաւակներուն ներկայ գտնուելու վերոյիշեալ արարողութեան ու ձեռնարկներուն եւ իրենց յարգանքի տուրքը մատուցելու Հայաստանի անկախութեան համար իրենց արիւնը թափած մեր նահատակներուն ու հերոսներուն եւ վերանորոգելու իրենց քրիստոնէական հաւատքն ու հայրենասիրութիւնը:

—————————————

ՀՈԳԵՀԱՆԳԻՍՏ

Սրբոց Վարդանանց եկեղեցւոյ թաղական խորհուրդի վաստակաշատ անդամ ՎԱՐԴԱՆ ԽԱՆՃԵԱՆի մահուան քառասունքին առիթով հոգեհանգստեան պաշտօն պիտի կատարուի կիրակի, 27 մայիս 2018-ին, Նորաշէնի Սրբոց Վարդանանց եկեղեցւոյ մէջ, յաւարտ Ս. պատարագի:

ԹԱՂԱԿԱՆ ԽՈՐՀՈՒՐԴ
ՍՐԲՈՑ ՎԱՐԴԱՆԱՆՑ ԵԿԵՂԵՑՒՈՅ

—————————————

ՀՈԳԵՀԱՆԳԻՍՏ

ՄԵԼԻՔ ՆԱՃԱՐԱՂԱԶԱՐԵԱՆի մահուան քառասունքին առիթով հոգեհանգստեան պաշտօն պիտի կատարուի կիրակի, 27 մայիս 2018-ին, Նոր Հաճնոյ Ս. Գէորգ եկեղեցւոյ մէջ, յաւարտ Ս. պատարագի:

ԼՈՒՍԻՆ ԶԱՐՄԷՆԵԱՆի մահուան Ա. տարելիցին առիթով, ՍՏԵՓԱՆ ՅԱԿՈԲԵԱՆի մահուան 7-րդ տարելիցին եւ ՅԱՐՈՒԹԻՒՆ ԶԱՐՄԷՆԵԱՆի մահուան 19-րդ տարելիցին առիթով հոգեհանգստեան պաշտօն պիտի կատարուի կիրակի, 27 մայիս 2018-ին, Նոր Մարաշի Սրբոց Քառասնից Մանկանց եկեղեցւոյ մէջ, յաւարտ Ս. պատարագի:

—————————————

ՏԻՐԱՄԱՅՐ ԶՄՄԱՌՈՒ ՈՒԽՏԻ ՕՐ

Զմմառու Պատրիարքական կղերի միաբանութիւնը կը ծանուցէ, թէ կիրակի, 27 մայիս 2018-ին, Զմմարու Տիրամօր ուխտի օրը տեղի պիտի ունենայ Զմմառու վանքին մէջ:

Ուխտի օրուան թափօրը պիտի սկսի առաւօտեան ժամը 10:00-ին:

Հայրապետական սուրբ եւ անմահ պատարագ պիտի մատուցէ`

ԱՄԵՆԱՊԱՏԻՒ ԵՒ ԳԵՐԵՐՋԱՆԻԿ ՏԷՐ ԳՐԻԳՈՐ ՊԵՏՐՈՍ Ի.
ԿԱԹՈՂԻԿՈՍ ՊԱՏՐԻԱՐՔ
Տանն Կիլիկիոյ Կաթողիկէ հայոց

առաւօտեան ժամը 10:30-ին, Երանելի Իգնատիոս Մալոյեան ամփիթատրոնին մէջ:

Վարդարանի ջերմեռանդական աղօթքը պիտի կատարուի կէսօրէ ետք ժամը 3:30-ին:

Այսու կը հրաւիրենք ուխտաւոր հաւատացեալները իրենց մասնակցութիւնը բերելու սոյն ուխտագնացութեան եւ հաղորդակից դառնալու Զմմառու Տիրամօր բարեխօսութեան եւ օրհնութեան:

ԴԻՒԱՆ ԶՄՄԱՌՈՒ
ՎԱՆՔԻ

—————————————

ՀԱՅ ԱՒԵՏԱՐԱՆԱԿԱՆ ԿԵԴՐՈՆԱԿԱՆ
ԲԱՐՁՐԱԳՈՅՆ ՎԱՐԺԱՐԱՆ

ՅԱՅՏԱՐԱՐՈՒԹԻՒՆ

Հայ աւետարանական կեդրոնական բարձրագոյն վարժարանի տնօրէնութիւնը հաճոյքն ունի ձեզ տեղեկացնելու, թէ մանկապարտէզէն մինչեւ պաքալորէայի բոլոր ճիւղերը ընդգրկող դասարաններուն կողքին, 2018-2019 տարեշրջանին պիտի ունենայ նաեւ մանկապարտէզի, նախակրթարանի եւ միջնակարգի դասարաններու համար

ՈՒՍՈՒՄՆԱԿԱՆ ՅԱՏՈՒԿ ԿԱՐԻՔՆԵՐ ՈՒՆԵՑՈՂ
ԱՇԱԿԵՐՏՆԵՐՈՒ ԲԱԺԱՆՄՈՒՆՔ

SPECIAL EDUCATION DEPARTMENT

Ծրագիրը յատուկ է այն աշակերտներուն, որոնք կը դիմագրաւեն`
– Ընթերցանութեան եւ գրաւոր արտայայտութեան դժուարութիւններ
– Ուշադրութեան եւ կեդրոնացումի դժուարութիւններ
– Ընկերային յարաբերութիւններու եւ զգացական դժուարութիւններ

Հետաքրքրուող ծնողները կրնան դիմել վարժարանիս տնօրէնութեան` հեռաձայնելով 01-442594 թիւին:

—————————————

ՀԱՄԱԶԳԱՅԻՆԻ «ՔՆԱՐ» ՊԱՐԱԽՈՒՄԲԻ

ՏԱՐԵԿԱՆ ԵԼՈՅԹՆԵՐ

30 ՅՈՒՆԻՍ – 1, 7, ԵՒ 8 ՅՈՒԼԻՍ 2018

«ԻՎՈՒԱՐ» ՇՔԵՂ ԹԱՏԵՐԱՍՐԱՀԻՆ ՄԷՋ, ՀԸՐՇ ԹԱՊԵԹ

—————————————

ԾԱԽՈՒ ՀՈՂԱՇԵՐՏ ԵՐԵՒԱՆԻ ՄԷՋ

1200 քառ. մեթր, օժտուած` ջուրով, կազով, եւ ելեկտրականութեամբ,
Երեւանէն 2 քիլոմեթր հեռու, Վահագնի թաղամասէն ետք,
Վանայ հովիտ թաղամասին դիմաց:

Դիմել` հեռ. 00374 91 157777 թիւին:

—————————————

ԾԱԽՈՒ ՅԱՐԿԱԲԱԺԻՆ

Պուրճ Համուտ քաղաքապետարանի շէնքեր, 4-րդ յարկ, վերանորոգուած: Դիմել` հեռ. 76-360561:

—————————————

ԳՐԱՒՈՒԱԾ ՕՐ

ՀՄԸՄ-Ի ԱՆԹԻԼԻԱՍԻ ՄԱՍՆԱՃԻՒՂԻ
ՍԿԱՈՒՏԱԿԱՆ ԽՈՐՀՈՒՐԴ ԵՒ
ԽՄԲԱՊԵՏԱԿԱՆ ԿԱԶՄ

ՃԱՇԿԵՐՈՅԹ

19 ՄԱՅԻՍ 2018

—————————————-

ԳՐԱՒՈՒԱԾ ՕՐ

Ս. ՅԱԿՈԲ ԵԿԵՂԵՑՒՈՅ
ԱՂՔԱՏԱԽՆԱՄ ՄԱՐՄԻՆ

ԵՐԱԺՇՏԱԿԱՆ ԵՐԵԿՈՅ

15 ՅՈՒՆԻՍ 2018

—————————————-

ԳՐԱՒՈՒԱԾ ՕՐ

ՀԱՅ ԵԿԵՂԵՑՒՈՅ ՀԱՄԱԼՍԱՐԱՆԱԿԱՆ

ՈՒՍԱՆՈՂՆԵՐՈՒ ՄԻՈՒԹԵԱՆ

ՀԻՄՆԱԴՐՈՒԹԵԱՆ 55-ԱՄԵԱԿԻՆ

ԱՌԻԹՈՎ ԿԱԼԱ-ԸՆԹՐԻՔ

ՇԱԲԱԹ, 23 ՅՈՒՆԻՍ 2018

—————————————-

ԳՐԱՒՈՒԱԾ ՕՐ

ՀԱՄԱԶԳԱՅԻՆԻ Մ. ԵՒ Հ. ԱՐՍԼԱՆԵԱՆ ՃԵՄԱՐԱՆ

ՔԵՐՄԵՍ-ԸՆՏԱՆԵԿԱՆ ԵՐԵԿՈՅ

23 ՅՈՒՆԻՍ 2018

—————————————-

ԳՐԱՒՈՒԱԾ ՕՐ

ՀԱՄԱԶԳԱՅԻՆԻ «ԳԱՅԵԱՆԷ» ՊԱՐԻ ԴՊՐՈՑ

25 ԵՒ 26 ՅՈՒՆԻՍ 2018