«Օ. ԹԻ. ՎԻ.»-Ի ՀԱՅԿԱԿԱՆ ԼՈՒՐԵՐԸ
ԿԸ ՎԵՐՍԿՍԻՆ 1 ՕԳՈՍՏՈՍԻՆ
Աշխատանքային վերադասաւորման եւ վերակազմակերպման փուլէ մը ետք, «Օ. Թի. Վի.» պատկերասփիւռի կայանի հայկական լուրերու բաժանմունքը իր ընթացիկ հաղորդումներուն կը վերսկսի չորեքշաբթի, 1 օգոստոսին:
«Օ. Թի. Վի.» պատկերասփիւռի կայանի հայկական լուրերուն կրնաք հետեւիլ ամէն օր, կէսօրէ ետք ժամը 4:30-ին:
—————————————
«ՃԻՆԻՇԵԱՆ ՅԻՇԱՏԱԿԻ ՁԵՌՆԱՐԿ»
«Ճինիշեան յիշատակի ձեռնարկ»-ին կազմակերպած վիճակահանութեան տոմսերը ամբողջովին սպառած են: Վիճակաձգութիւնը տեղի պիտի ունենայ հինգշաբթի, 19 յուլիս 2018-ին:
Յատուկ շնորհակալութիւն մեր բոլոր նուիրատուներուն:
ՏՆՕՐԷՆՈՒԹԻՒՆ
—————————————
ԱԶԳԱՅԻՆ ԵՂԻՇԷ ՄԱՆՈՒԿԵԱՆ ՔՈԼԵՃ
2018-2019 ՏԱՐԵՇՐՋԱՆԻ
ՎԵՐԱՄՈՒՏ
Ազգային Եղիշէ Մանուկեան քոլեճի տնօրէն խորհուրդը կը յայտնէ, թէ 2018/2019 տարեշրջանի արձանագրութիւնները սկսած են արդէն եւ կը շարունակուին յուլիս ամսուան ընթացքին` երեքշաբթի եւ հինգշաբթի օրերը, իսկ 3 սեպտեմբերէն սկսեալ ամէն օր առաւօտեան ժամը 8:00-էն 1:00:
Գիրգերու եւ տարազներու վաճառքը պիտի սկսի հինգշաբթի, 6 սեպտեմբերին:
Կրթական նոր տարեշրջանի վերամուտը տեղի պիտի ունենայ հետեւեալ ձեւով`
– Հինգշաբթի, 6 սեպտեմբեր` Թ. դասարան եւ ԺԲ. դասարաններու բոլոր բաժանմունքները:
– Երկուշաբթի, 17 սեպտեմբեր` նախակրթարան, միջնակարգի Է. եւ Ը. դասարաններ եւ երկրորդականի Ժ. եւ ԺԱ. դասարաններ:
– Երկուշաբթի, 24 սեպտեմբեր` մանկապարտէզ:
– Մանկամսուրը, իր երկու բաժանմունքներով, յուլիս ամսուն եւ 1 սեպտեմբերէն սկսեալ բաց է եւ կ՛ընդունի 3 ամսականէն մինչեւ 3 տարեկան փոքրիկներ:
Նորեկ աշակերտները պարտին իրենց հետ ունենալ`
Անձնաթուղթի լուսապատճէն
2 լուսանկար
Նախորդ վարժարանէն վիճակացոյց
Փոխանցման գիր եւ պետական թիւի վաւերացուած հաստատագիր:
Նշենք, որ քոլեճի մէջ, յաջորդական 5-րդ տարին ըլլալով, կը գործէ Մանկավարժական խորհրդատուութեան բաժանմունքը, ուր գործող հոգեբան-խորհրդատուն, ուղղախօսութեան մասնագէտը, հոգեշարժողութեան մասնագէտը եւ ուղղավարժը պատրաստ են օժանդակելու կրթական դժուարութիւններ ունեցող աշակերտներուն:
Յաւելեալ մանրամասնութիւններու համար կարելի է կապուիլ տնօրէն խորհուրդին:
Արդիւնաբեր կրթական տարեշրջանի մը մաղթանքներով`
ՏՆՕՐԷՆ ԽՈՐՀՈՒՐԴ
—————————————
Կ՛ՈՒԶՈՒԻ
Ոսկերչական հաստատութիւն մը կարիքը ունի «Մեթրիքս»-ի վրայ գծող պաշտօնեայի մը: Դիմել` հեռ. 03-882792: