ՄԱՀԱԶԴ
Սրբոց Վարդանանց եկեղեցւոյ հոգեւոր հովիւը, թաղական խորհուրդը, տիկնանց յանձնախումբը եւ դպրաց դասը խոր ցաւով կը գուժեն
ՓՈՔՐԻԿՆ ՄԱՐԻԱ ՍԱՂՏԸՃԵԱՆԻ
անժամանակ մահը, որ պատահեցաւ չորեքշաբթի, 12 հոկտեմբեր 2022-ին:
Սրբոց Վարդանանց եկեղեցւոյ մեծ ընտանիքը կը ցաւակցի եւ կը հայցէ Ս. հոգւոյն մխիթարութիւնը դպրաց դասի անդամ Յասմիկ եւ Յակոբ Սաղտըճեաններուն` իրենց դստեր մահուան տխուր առիթով:
—————————————
ՄԱՀԱԶԴ
Տէր եւ տիկին Յակոբ եւ Յասմիկ Սաղտըճեան
Տէր եւ տիկին Զարեհ եւ Թամար Սաղտըճեան
Տէր եւ տիկին Արամ եւ Կարինէ Քորթմոսեան
Տէր եւ տիկին Աբրահամ եւ Նարէ Պզտիկեան
Տէր եւ տիկին Նարեկ եւ Հեղինէ Քորթմոսեան եւ զաւակը
Տէր եւ տիկին Եզեկէլ եւ Օսան Մահտէսեան եւ զաւակունք
Սաղտըճեան եւ Քորթմոսեան ընտանիքներ
Պզտիկեան եւ Գալայճեան ընտանիքներ
Մանճիկեան եւ Մահտէսեան ընտանիքներ
եւ համայն ազգականներ կը գուժեն իրենց դստեր, թոռան, սանուկին, քրոջ դստեր եւ հարազատին`
ՓՈՔՐԻԿՆ ՄԱՐԻԱ ՍԱՂՏԸՃԵԱՆԻ
մահը, որ պատահեցաւ չորեքշաբթի, 12 հոկտեմբեր 2022-ին, յետ կարճատեւ հիւանդութեան:
Յուղարկաւորութեան արարողութիւնը պիտի կատարուի այսօր` ուրբաթ, 14 հոկտեմբեր 2022-ին, կէսօրէ առաջ ժամը 11:00-ին, Նորաշէնի Սրբոց Վարդանանց եկեղեցւոյ մէջ, ուրկէ հանգուցեալին մարմինը պիտի փոխադրուի Պուրճ Համուտի Ազգային գերեզմանատունը:
Ներկայս ընդունիլ իբրեւ մահազդ:
Ցաւակցութիւնները պիտի ընդունուին թաղման արարողութենէն ետք, Ազգային առաջնորդարանի «Երջօ Սամուէլեան-Եռագոյն» սրահին մէջ, մինչեւ երեկոյեան ժամը 6:00, ինչպէս նաեւ շաբաթ, 15 հոկտեմբերին, կէսօրէ առաջ ժամը 11:00-էն մինչեւ երեկոյեան ժամը 6:00, նոյն վայրին մէջ:
ԾԱՆՕԹ.- Փոխան ծաղկեպսակի նուիրատուութիւնները կատարել «Թռչնոց Բոյն»-ին:
—————————————
ՎԱՐԴԱՊԵՏԱԿԱՆ ԳԱՒԱԶԱՆԻ ՏՈՒՉՈՒԹԻՒՆ
ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ
Կիրակի, 16 հոկտեմբեր 2022-ին, Անթիլիասի մայրավանքի Ս. Գրիգոր Լուսաւորիչ մայր տաճարին մէջ, յընթացս Ս. եւ անմահ պատարագին,
Նախագահութեամբ`
ՆՍՕՏՏ ԱՐԱՄ Ա. ԿԱԹՈՂԻԿՈՍԻՆ
Տեղի պիտի ունենայ վարդապետական գաւազանի տուչութիւն հետեւեալ միաբան հայրերուն.
ՀՈԳՇ. Տ. ԱՒԵՏԻՔ ԱԲՂՅ. ՏԷՐ ԿԱՐԱՊԵՏԵԱՆ
ՀՈԳՇ. Տ. ԱՆԴՐԱՆԻԿ ԱԲՂՅ. ՔԻՒՐԻՒՄԵԱՆ
ՀՈԳՇ. Տ. ՍԱՐԳԻՍ ԱԲՂՅ. ԱԲՐԱՀԱՄԵԱՆ
ՀՈԳՇ. Տ. ԳԷՈՐԳ ԱԲՂՅ. ԳԱՐԱԿԷՕԶԵԱՆ
ՀՈԳՇ. Տ. ՅԱԿՈԲ ԱԲՂՅ. ԵԱԳՈՒՊԵԱՆ
ՀՈԳՇ. Տ. ՄԱՆՈՒԿ ԱԲՂՅ. ՊՐԻԽԱՆԵԱՆ
Գաւազանի տուչութիւնը պիտի կատարէ ու քարոզէ`
ԳԵՐՇ. Տ. ՇԱՀԱՆ ԱՐՔ. ՍԱՐԳԻՍԵԱՆ
Կը հրաւիրենք մեր ժողովուրդի զաւակները յիշեալ հոգեպարար արարողութեանց աղօթակից ըլլալու հայր սուրբերուն, որպէսզի անոնք իրենց կոչումին մէջ ըլլան հաստատ, հաւատքին մէջ` անսասան եւ առաքելութեան մէջ` ծաղկուն:
ԴԻՒԱՆ ԿԱԹՈՂԻԿՈՍԱՐԱՆԻ
—————————————
ՀՈԳԵՀԱՆԳԻՍՏ
ԳԵՂԱՆԻ ԷԹԻԵՄԵԶԵԱՆի մահուան եօթնօրէքին առիթով հոգեհանգստեան պաշտօն պիտի կատարուի կիրակի, 16 հոկտեմբեր 2022-ին, Նոր Ատանայի Ս. Աստուածածին եկեղեցւոյ մէջ, յաւարտ Ս. պատարագի:
Ս. ԱՍՏՈՒԱԾԱԾԻՆ ԵԿԵՂԵՑՒՈՅ
ԹԱՂԱԿԱՆ ԽՈՐՀՈՒՐԴ
—————————————
ՀՄԸՄ-Ի Ժտէյտիի մասնաճիւղ
ԱՆԴԱՄԱԿԱՆ ԸՆԴՀԱՆՈՒՐ ԺՈՂՈՎ
ՀՄԸՄ-ի Ժտէյտիի մասնաճիւղի 57-րդ Անդամական ընդհանուր ժողովը տեղի պիտի ունենայ ուրբաթ, 14 հոկտեմբեր 2022-ին, երեկոյեան ժամը 8:15-ին, ԼՕԽ-ի «Անահիտ» ակումբին մէջ, Մար Եուսեֆ:
ԾԱՆՕԹ.- Ներկաներուն թիւը մեծամասնութիւն պիտի նկատուի երեկոյեան ժամը 8:30-ին:
ՎԱՐՉՈՒԹԻՒՆ