ՄԱՀԱԶԴ
ՀՅԴ «Կարմիր լեռ» կոմիտէն կը գուժէ իր շրջանի հաւատաւոր ընկերներէն
ԳՐԻԳՈՐ ՅՈՎՆԱՆ ՔԷՇԻՇԵԱՆԻ
մահը, որ պատահեցաւ երկուշաբթի, 7 օգոստոս 2023-ին, Այնճարի մէջ:
—————————————
ՄԱՀԱԶԴ
Պեքաայի հոգեւոր տեսուչ Գերպ. Տ. Անանիա ծ. վրդ. Գուճանեան, Ս. Պօղոս եկեղեցւոյ Թաղական խորհուրդն ու բոլոր միաւորները կը գուժեն Թաղական խորհուրդի նախկին ատենապետ`
ԳՐԻԳՈՐ ՅՈՎՆԱՆ ՔԷՇԻՇԵԱՆԻ
մահը, որ պատահեցաւ երկուշաբթի, 7 օգոստոս 2023-ին, Այնճարի մէջ:
—————————————
ՈՒԽՏԻ ՕՐ ՍՈՒՐԲ ԱՍՏՈՒԱԾԱԾԻՆ ՎԱՆՔԻ ԵՒ
ՏՕՆ ՎԵՐԱՓՈԽՄԱՆ ՍՈՒՐԲ ԱՍՏՈՒԱԾԱԾՆԻ
Հոգեկան գոհունակութեամբ այսու կու գանք մեր ժողովուրդի զաւակներուն յայտնելու, որ Ս. Աստուածածին վանքի Ուխտի օրը եւ Ս. Աստուածածնայ վերափոխման տօնը պիտի նշուին շաբաթ, 12 օգոստոս 2023-ին, երեկոյեան ժամը 7:30-ին, Պիքֆայայի Ս. Աստուածածին վանքի համալիրին մէջ:
Ուխտի Ս. պատարագին պիտի նախագահէ, մատաղօրհնէք կատարէ եւ հայրապետական իր պատգամը փոխանցէ`
ՆՍՕՏՏ ԱՐԱՄ Ա. ՍՐԲԱԶՆԱԳՈՅՆ ՀԱՅՐԱՊԵՏԸ
Պիտի պատարագէ`
ԳԵՐՇ. Տ. ՄԵՍՐՈՊ ԵՊՍ. ՍԱՐԳԻՍԵԱՆ
(Առաջնորդ Արաբական Միացեալ Էմիրութեանց, Քաթարի Եւ Շրջակայից Թեմի)
ԾԱՆՕԹ.- Փոխադրակառքեր տրամադրուած պիտի ըլլան ժամը 6:00-ին` հետեւեալ վայրերէն.
- Անթիլիասի մայրավանք
- Զալքա (Թիքօ Թիքօ)
- Ս. Աստուածածին եկեղեցի
- Խալիլ Պատաուի եւ Հաճըն (Օլիմփիք)
- Սրբոց Վարդանանց եկեղեցի
- Ս. Ագնէս վարժարան
- Ազգային ծերանոց
- Ս. Յովհաննու Կարապետ եկեղեցի
- Ս. Երրորդութիւն մատուռ (Ֆանար)
- Ս. Ներսէս Շնորհալի մատուռ (Ռաուտա)
- Ս. Յակոբ (Էշրեֆիէ)
***
ԿԻՐԱԿԻ, 13 ՕԳՈՍՏՈՍ 2023
Անթիլիասի մայրավանքի Ս. Գրիգոր Լուսաւորիչ մայր տաճարին մէջ պիտի մատուցուի Ս. եւ անմահ պատարագ եւ կատարուի խաղողօրհնէք:
Պիտի պատարագէ ու քարոզէ
ԳԵՐՇ. Տ. ԿՈՄԻՏԱՍ ԱՐՔ. ՕՀԱՆԵԱՆ
***
ԵՐԿՈՒՇԱԲԹԻ, 14 ՕԳՈՍՏՈՍ 2023
(ՅԻՇԱՏԱԿ ՄԵՌԵԼՈՑ)
Պիքֆայայի Ս. Աստուածածին մատրան մէջ պիտի մատուցուի Ս. եւ անմահ պատարագ, որուն աւարտին, նախագահութեամբ ՆՍՕՏՏ Արամ Ա. վեհափառ հայրապետին, տեղի պիտի ունենայ հոգեհանգստեան կարգ` ազգիս համօրէն ննջեցելոց հոգիներուն ի հանգիստ:
ԴԻՒԱՆ ԿԱԹՈՂԻԿՈՍԱՐԱՆԻ
—————————————
Ս. ԱՍՏՈՒԱԾԱԾԻՆ ՎԱՆՔԻ ՈՒԽՏԻ ՇԱԲԱԹ
(ԱՌԱՒՕՏԵԱՆ Ս. ԵՒ ԱՆՄԱՀ ՊԱՏԱՐԱԳՆԵՐ` ՊԻՔՖԱՅԱՅԻ ՄԷՋ)
Հովանաւորութեամբ ՆՍՕՏՏ Արամ Ա. վեհափառ հայրապետին եւ կազմակերպութեամբ կաթողիկոսարանի Քրիստոնէական դաստիարակութեան բաժանմունքին, 7-11 օգոստոս 2023-ին, ամէն առաւօտ ժամը 10:00-ին, Պիքֆայայի Ս. Աստուածածին մատրան մէջ պիտի մատուցուի Ս. եւ անմահ պատարագ եւ կատարուի հոգեւոր խորհրդածութիւն: Իւրաքանչիւր Ս. պատարագի աւարտին տեղի պիտի ունենայ օրհնութեան կարգ:
Փոխադրակառքեր տրամադրուած պիտի ըլլան առաւօտեան ժամը 8:30-ին:
1) Անթիլիասի մայրավանքին եւ Զալքա «Թիքօ-Թիքօ»-ին դիմաց
2) Պուրճ Համուտի հրապարակ
3) Սրբուհի Ագնէս վարժարան
4) Ազգային Ծերանոց
5) Ռաուտա-Ֆանար
ՔՐԻՍՏՈՆԷԱԿԱՆ ԴԱՍՏԻԱՐԱԿՈՒԹԵԱՆ
ԲԱԺԱՆՄՈՒՆՔ
—————————————
Ս. ԱՍՏՈՒԱԾԱԾԻՆ ՎԱՆՔԻ
ՈՒԽՏԻ ՕՐՈՒԱՆ ՆՈՒԷՐՆԵՐ
Ս. Աստուածածին վանքի Ուխտի օրուան եւ Ս. Աստուածածնի վերափոխման տօնին առիթով, մեր ժողովուրդի ուխտաւոր զաւակներուն ուշադրութեան կ՛ուզենք յանձնել, որ մատաղցու ոչխար, խաղող կամ փոխան մատաղի ու խաղողի նուիրատուութիւն կատարել փափաքողները կրնան իրենց նուէրները յանձնել Անթիլիասի մայրավանք կամ Պիքֆայայի Ս. Աստուածածին վանք` առաւելագոյնը մինչեւ ուրբաթ, 11 օգոստոս 2023-ի կէսօր:
Յաւելեալ մանրամասնութիւններու համար առաւօտեան ժամը 8:00-էն մինչեւ երեկոյեան ժամը 6:00 հեռաձայնել հետեւեալ թիւերուն.
– Անթիլիասի մայրավանք` 04-410001
– Ս. Աստուածածին վանք` 04-983634
—————————————
Կ՛ՈՒԶՈՒԻ
Հագուստի հաստատութիւն մը, Ժէլ Էլ Տիպի շրջան, կարիքը ունի համակարգիչի վրայ աշխատող գանձիչի մը: Հեռ. 03-164767: